Шакари Ричардсон стана најбрза жена на планетата

Aмериканката Шакари Ричардсон е новата светска шампионка на 100 метри и тоа со најдобро време во историјата на светските првенства.

Во финалната трка во Будимпешта, Ричардсон беше побрза од спринтерките од Јамајка, Шели-Ен Фрејзер-Прајс и Шерика Џексон и се закити со златниот медал.

Клучната разлика ја направи во последните 40-тина метри кога ги остави зад себе Јамајканките кои стартуваа моќно.

Американката во тие моменти забрза силно и жестоко и трката ја заврши со време од 10.65.

Тоа е нејзин личен рекорд и најдобро време на светските првенства, подобар за шест стотинки од досегашниот.

Американките водат со 9 титули на 100 метри на Светските првенства. Јамајка има шест.

Шакари Ричардсон ја сметаат за наследничка на Флоренс Грифит Џојнер.