Фабрика Карпош во висок ритам до победа над Пекабеско
Фабрика Карпош 8-2(4-1) Пекабеско
Фабрика Карпош: Александар Божиков 5’ 18’ 32’ 40’ Ѓорѓи Божиков 5’ Мики Нешиќ 11’ 36’ Љупчо Петрушевски 29’
Пекабеско: Влатко Петровски 12’ Андрија Периќ 40’
Одлично прво полувреме одиграа екипите на Фабрика Карпош и Пекабеско, полувреме исполнето со многу шанси за гол, атрактивни потези и атрактивни голови. Прва до водство дојде екипата на Фабрика Карпош уште во 5та минута, по ова водство екипата на Пекабеско се обидуваше да го изедначи резултатот но во ова прво полувреме на екипата на Фабрика Карпош се и одеше од рака и ги реализира сите шанси за гол. Резултатот на полувремето беше 4-1. Во второто полувреме екипата на Пекабеско се обиде да го намали водството на Фабрика Карпош со внесување на голман играч но Фабрика Карпош продолжи со висок ритам на игра и од минута во минута го зголемуваше водството за конечен резултат од 8-2.
Окта немаше одговор за играта на Халк Банка
Халк Банка 7-0(3-0) Окта
Халк Банка: Влатко Блажевски 3’ 28’ 39’ Алпер Тахир 16’ Маријан Атанасовски 20’ Дејан Петкоски 22’ 36’
Претпазливо прво полувреме одиграа екипите на Халк Банка и Окта, без многу шанси за гол и на двете страни, играта главно се одвиваше на средината на теренот и двете екипи повеќе внимаваа на својот гол. Екипата на Халк Банка успеа да искористи кикс на екипата на Окта и да го отвори резултатот, до крајот на полувремето по уште две грешки во одбраната на Окта успеа да го зголеми водството и на полувремето да се замине со резултат од 3-0. Во второто полувреме екипата на Окта со сите сили се обиде да го одбрани резултатот но немаше одговор на играта на Халк Банка која на својот гол го имаше Атанасовски кој не дозволи ниту една од топките да заврши во неговата мрежа. Резултатот на крајот од натпреварот изнесуваше високи 7-0.
Во неизвесна завршница Џонсон Мети го совлада Вип
Џонсон Мети 5-4(2-2) Вип
Џонсон Мети: Благоја Божиновски 6’ Бојан Дејановски 8’ 23’ Александар Недев 37’ Мартин Николовски 38’
Вип: Дарко Димитриевски4’ Милан Аврамовиќ 6’ 40’ Ненад Богдановиќ 37’
Возбудливо и интересно прво полувреме одиграа екипите на Џонсон Мети и Вип.
Уште на самиот почеток на натпреварот во 4та минута екипата на Вип го отвори резултатот, минута подоцна успеа да го дуплира водството. Сепак екипата на Џонсон Мети кратко потоа успеа да постигне два погодока и да го изедначи резултатот. До крајот на полувремето и двете екипи безпоштедно се бореа за секоја топка на секоја педа од теренот но до полувремето резултатот не се промени. Во второто полувреме и двете екипи влегоа без гард, напаѓачки, сепак за одбележување на овој натпревар се и двата голмани кои имаа одлични интервенции и натпреварот го однесоа во неизвесна завршница. Во ваквата завршница поснаодлива беше екипата на Џонсон Мети која го доби овој натпревар со резултат од 5-4.
