Атлетичарката Лоло Џонс е до толку очајна да освои медал што стана дел од американскиот боб тим, а тоа и самата си го признава.
„Ако освоев медал на Олимписките игри, јас сигурно немаше да се натпреварувам со боб. Многу сум очајна. Не ми е важно дали се зимски или летни Олимписки игри", изјави Џонс.
30-годишната Џонс беше фаворитка за златниот медал на трката на 100 метри со пречки на Олимписките игри во Пекинг во 2008-та година, но се сопна и заврши на 7-та позиција, а на последната Олимпијада во Лондон заврши како 4-та.
Желбата за олимписки медал ја натерала да се обиде и со некој зимски спорт, за да може да учествува на Олимписките игри кои следната година ќе се одржат во Сочи и се одлучила да се натпреварува со боб санка.
За сега добро и оди. По само неколку месеци тренинг, неодамна таа со тимот на САД освои златен медал на Светското првенство во Сент Мориц.
