Човекот кој беше атракција број 1 на свеченото отворање на Зимските Олимписки игри во Пјонгчанг се вика Пита, а се презива Тауфатофуа.
Тие што пратат Олимпијади и што имаат добра меморија веднаш ќе се сетат. Да, се работи за истиот лик кој ја претставуваше Тонга и на Летните Олимписки игри во Рио 2016. Ама тогаш во таеквондо, а сега ќе скија во дисциплината крос - кантри.
Пита се појави на отворањето горе гол како во Пјонгчанг да е лето, а не -5 степени, а доле во својата традиционална носија.
Тонга е островска држава составена од 176 острови со 104.000 жители и тој е првиот учесник во историјата на својата земја на една Зимска Олимпијада.
Интересно е што во неговата земја не паѓа снег, ама тој успеа да обезбеди олимписка норма во нордиско скијање откако тренираше во странство. Како го стори тоа за само една година, се чудел и неговиот тренер.
Со Пита во истата дисциплина ќе се натпреварува и нашиот Ставре Јада.
No shoes, no shirt, no problem.
— CBC Olympics (@CBCOlympics) February 9, 2018
Pita Taufatofua, Tonga's flag-bearer and only Olympic athlete is ready for #PyeongChang2018 pic.twitter.com/ZchGQwbfzX
Неговото прво качување на скии
Инаку до Пјонгчанг патувал повеќе од 24 часа и поминал 5 земји, бидејќи немало директен лет.
