Фудбалот заостанува зад американските спортови

Фудбалот можеби е најпопуларен спорт во светот, но кога станува збор за пари, дури ни најбогатата лига на светот не може да се мери со американските спортови.

Дваесетте клубови од Премиер лигата, според ревизорската куќа Делоит, во сезоната 2012/13 инкасирале 2,4 милијарди фунти (4 милијарди долари). Овие бројки претставуваат рекорд за Англичаните, а воедно оваа лига е и најбогата фудбалска лига во светот, но дури и тие заостануваат зад американските спортови во поглед на приходите.

Екипите од НБА лигата оствариле приход од 4,6 милијарди долари, а во 2013-та година за МЛБ лигата се очекуваат приходи од 8 до 8,5 милијарди долари. Најбогата лига е НФЛ со приход од 9 до 10 милијарди.

Единствено американската хокеј лига заостанува зад Премиер лигата со приходи од 3,3 милијарди долари.

 

20 март 2014 - 15:29