Формула 1 трка во иднина би можела да се вози низ Олимпискиот парк околу стадионот, но и по атлетската патека на самиот стадион. Трката е дел од плановите на британската компанија која е кандидат за стопанусивање со стадионот по завршувањето на Олимписките игри.
Оваа информација за британските медиуми ја потврди и првиот човек на Формула 1:
„Тие имаат идеја за Формула 1 трка која би се возела околу стадионот, но и на самиот стадион. Сакаа да разговараме за да видат дали би бил заинтересиран за ваква трка. Секако дека сум заинтересиран за трка во Лондон", изјави Берни Еклстон.
