Игнатов со евро гол за победа на Пекабеско во дуелот со Аџибадем Систина
Аџибадем Систина2-3(0-1) Пекабеско
Аџибадем Систина: Никола Трајковски 31’ Мирослав Неделковски 35’
Пекабеско: Дејан Неделковски 10’ Петар Киприановски 39’ Слободан Игнатов 40’
Првата фаза од првото полувреме од натпреварот помеѓу Систина и Пекабеско помина мирно, без посериозни шанси за гол и на двете страни. Играта се одвиваше на средината на теренот со многу комбинаторика меѓу играчите, но без завршни удари кон противничкиот гол. Прва се одважи екипата на Пекабеско која во 10та минута преку Неделковски успеа да го отвори резултатот. По овој примен погодок екипата на Систина го подигна темпото на игра, и тргна во нападот по израмнување но до полувремето не успеа во таа намера и на паузата се отиде со резултат од 0-1. Во второто полувреме екипата на Систина уште на самиот почеток тргна офанзивно со сите сили кон голот на Пекабеско со цел да го израмни резултатот, но екипата на Пекабексо се повлече во одбраната и успеа да одолее на притисокот на Систина и покрај неколкуте одлични шанси во првата фаза од полувремето. Екипаа на Систина беше упорна во намерата да дојде до изедначување, кое го имаше се до последната минута од натпреварот кога Игнатов со евро го од средината на теренот успеа да им ги донесе бодовите на екипата на Пекабеско.
Екипата на Макпетрол со одлична игра до победа над Уни Банка
Уни Банка 2-6(1-3) Макпетрол
Уни Банка: Васил Митровски 11’ Иванчо Антовски 23’
Макпетрол: Мишо Ѓоргиевски 6’ 13’ 35’ Александар Мишоски 10’ Мартин Дејановски 26’ 29’
Интересно прво полувреме одиграа екипите на Уни Банка и Макпетрол. Првата фаза од полувремето помина во висок ритам на игра со многу шанси за гол, екипата на Макпетрол во 6та минута го отвори резултатот и најави ефикасно прво полувреме. По примениот погодок екипата на Уни Банка тргна поофанзивно за израмнување, но екипата на Макпетрол успеа да искористи грешка во одбраната и во 10та минута имаше водство од 0-2. Екипата на Уни Банка успеа да го намали водството, но екипата на Макпетрол до крајот на полувремето покажа одлична игра што се отслика со резултатот на полувремето од 1-3. Во второто полувреме екипата на Уни Банка се обиде да дојде до израмнување со понапаѓачка формација и со чести измени на играчи, сепак екипата на Макпетрол не дозволи никакво изненадување и рутинирано го внесе натпреварот во мирна завршница со победа од 2-6.
Македонски Телеком преку Наскоски до победа во дуелот со Уника
Уника (2-1) Македонски Телеком
Уника:Бесим Нухиу 2’ 3’
Македонски Телеком: Гоце Филипов 11’ Стефан Наскоски 23’ 28’ 35’ 37’ Михајло Лазаревски 40’
Во првата фаза од првото полувреме од натпреварот помеѓу Уника и Телеком видовме отворен фудбал со многу шанси, одлични акции и прекрасни удари од далечина. Двете екипи уште од самиот старт влегоа во беспоштедна борба за секоја топка и беше вистинска бркотница по теренот. Екипата на Уника во втората и третата минута успеа своите шанси да ги претвори во гол за водство од 2-0. По ова водство екипата на Телеком направи неколку ротации во своите редови и ја превзема иницијативата што вроди со плод во 11та минута за намалување на 2-1 со кои се замина на полувремето. Во второто полувреме екипата на Телеком уште на самиот почеток во своите редови внесе голман-играч ја превзеде иницијативата и тргна во целосна офанзива во израмнување, тоа им успеа во средината од полувремето поточно во 23та минута. По израмнувањето екипата на Телеком доби дополнителен мотив и успеа да направи целосен пресврт. Екипата на Уника имаше слаба реализација и не успеа да реализира ниту една од своите шанси. Натпреварот заврши со победа на Македонски Телеком од 2-6.
