Арјен Робен после истрчан маратон: „Беше пеколно, не знам дали би трчал пак“

Легендарниот холандски фудбалер, фантастичното крило кое се прослави во Реал Мадрид, Челси и Баерн Минхен и освојуваше шампионски трофеи во Шпанија, Англија, Холандија и Германија, во неделата го трчал маратонот во Ротердам, негов прв маратон во животот. Истрчал за 3 часа 13 минути и 40 секунди, 69 минути после победникот Абди Нагеје од Сомалија.

Робен во 2021-ва и официјално ја заврши фудбалската кариера во родниот Гронинген каде и започна во 2000-та. Сега после првиот истрчан маратон вели дека брзо сфатил дека тоа не бил негов ден.

Маратонот по традиција е долг 42 километри. Толку бил и тој во Ротердам.

„Во еден момент морав само да шетам зошто имав грчеви, а после мораш да почнеш одново. После 30 километри веќе не е нималку пријатно, тоа е пекол. Мислите дека веќе никогаш нема да го направите тоа, но штом веќе сте почнале... Да, можеби ќе го направам уште еднаш којзнае“, изјавил Робен за холандски NOS веднаш после маратонот.

 
12 април 2022 - 15:18

Штета ако сте пропуштиле

Добра и лоша вест во едно: Ним им е веќе јасно

Боб Дилан версус Звонко Бoгдан

Политичките бегалци на Калифорнија

Денешната Ленка шие за Швајцарци