Гостинскиот триумф над Веспрем и домашниот против Рајн Некар се доказ плус дека и покрај продажбата на важни имиња, Вардар годинава повторно сериозно ќе гризе за високи дострели. Гигантите го потценија па сега плачат за судењето.

Четврти меч - четврти пораз за момците на Данило Брестовац во Лигата на шампионите. Силкеборг - Металург 33-25 (16-14). Шанса за први бодови ќе се бара во следното коло против Чеховски медведи.

Тој што мисли дека Вардар сезонава е послаб и почнува некоја си нова ера, гадно се заебал. Вардаровата машинерија го сомеле и силниот бундеслигаш со кој денеска го играа мечот на колото во ЛШ.

Иако е повреден и не е во комбинација за денешниот меч, сепак Абутовиќ допатува во Скопје каде ги мина најубавите години од кариерата. Освен овации, за ракометарот на Рајн Некар кој 7 години му беше верен на Вардар со кој освои европска титула, имаше и едно изненадување. Капитенот Столе му подари дрес на кој пишува: „Илија фала ти за се“.

Со заминувањето на најдобриот тренер во светот за 2017-та, незаменливиот Штербик и уште неколку ракометари од костурот на екипата, многумина беа спекптици за тоа како ќе тера Вардар во ЛШ. ЕХФ ги има одговорите за нивниот извонреден старт.

Кога се во прашање цепeлините, како еден вид најатрактивен погодок во ракометот, да не знае човек кај попрво да се сврти и да гледа. Мајстори се и Вардарци и нашите репрезентативци, а еве ги сега и Металурзите и тоа пазете од гол на гол, што е огромна реткост. Томовски го пронајде Токиќ, а голот е прогласен за најубав на мечот од СЕХА лигата кој тимот од Автокоманда го загуби од Загреб на Лино Червар.

РК Вардар има маестрален старт со 3 од 3 во Лига на шампиони, а во сабота со почеток од 17:30 против Рајн Некар ќе го игра дербито на колото. Клубот во пресрет на големата ракометна битка се вклучи во акција со сообраќајната полиција. Кој ќе вози совесно ќе добие гратис карта директно од капитенот или Даинис Криштопанс.

Откако Вардар и натаму прави парче во Лигата на шампионите и откако завчера го совлада големиот фаворит на хартија, унгарски Веспрем, признание стигна и за одличниот Дибиров.

Ракометарите на Металург го забележаа и третиот пораз во третото коло од Лигата на шампионите, овој пат од словачкиот тим Татран Прешов, кој славеше со 24:29.

По изненадувачкиот гостински триумф против актуелниот европски триумф Монпеље, ракометарите на Вардар славеа и во второто коло од новата сезона во ЛШ. За сега не се познава дека го нема Раул Гонзалес

Ирина Александру настапува за шпанската ракометна екипа Леида и е репрезентативка на Доминиканска република за која има 100 настапи. Додека нејзините колешки се освежуваа и земаа здив за време на паузата, таа ја извршуваше својата најслатка мајчинска обврска. Ова е фото на годината, не на денот.

И покрај тоа што Металург стана ракометен бренд низ годиниве и стигна до топ 8 во ЛШ со помош на Лино Червар, а Вардарци ја покорија Европа и го кренаа на нозе цело Скопје, македонската публика сезонава нема можност да ги гледа, барем не на македонски канал. Причините лежат во скапите тв права за наши услови.

Само тие што имаат Арена на кабловска, можеа да уживаат во мечот на кој Вардар го ишамара европскиот првак Монпење и тоа на гости во првото коло од новата сезона во ЛШ. Оперативниот менаџер на РК Вардар е револтиран што нашиот национален сервис нема да врши преноси сезонава и удри на Фејсбук по нив.

По храбрата и борбена игра, како и фантастичните голмански интервенции, но сето ова само во првиот дел, ракометарите на Металург го загубија првиот натпревар сезонава во Лига на шампиони. Тимот од Автокоманда падна во второ полувреме.

Без европските прваци Арпад Штербик, Илија Абутовиќ, Лука Циндриќ, Раул Гонзалес, Хорхе Македа, Давид Дејвис, Жоан Кањељас и Мијајло Марсениќ кои сезонава ги сменија клупските бои, како и повредените Стоилов и Горбок, Вардар во првото коло од новата сезона во ЛШ го тресна Монпеље на гости кој е бранител на титулата. Капитенот не можеше да помогне на паркетот, ама упати еден поздрав.

И покрај благиот песимизам меѓу навивачите во однос на изгледот на новиот Вардар, момците кои го носат „црвено-црниот“ дрес храбро се изборија за голема победа на стартот од Лигата на шампионите 24:27 (11:12)

Ракометарите на Вардар со целосно изменет состав влегуваат во новата сезона која што ја отворија на гостувањето кај актуелниот европски шампион Монпеље. Новиот голман, српскиот интернационалец Дејан Милосављев во првиот дел од мечот направи шоу!

На 46. Меѓународен турнир во Струга, кој важи за еден од посилните пред почетокот на сезоната во Европа, францускиот Тулуз го освои третото место, ама ќе ги паметиме по фризурата на Роман Жирондо кој е дебитант во екипата. А за дебитантите по традиција има топло добредојде со нова фризура која ја бираат соиграчите.

Иако ја доби улогата носител во посилната половина од групите, ждрепката му донесе многу тешка група на Вардар, а Металург ќе може полесно да дише затоа што игра со ривали кои не се баш непобедливи.

Денес напладне во Копенхаген беше извлечена ждрепката за ракометниот Мундијал кој се игра во Данска и Германија следната година.

Најдобрите македонски ракометари ја сочуваа големата предност од Скопје (32-24) и по шести пат (четврти пат во низа) обезбедија пласман на Мундијалот во Германија и Данска на почетокот од 2019.

Епитетот “министер за одбрана“ за првиот голман на македонската ракометна репрезентација можеше да се чуе во сала и вечерва. Борко блесна со 16 интервенции и “ја поништи“ Романија, а со тоа си обезбеди и трето полувреме. Ќе снема топла вода додека да го пуштат во соблекувална.

Македонската ракометна репрезентација е класа појака ракометна сила од селекцијата на Романија. Тоа го докажа со надмоќнона игра и резултат од 32:24, кој се надеваме дека нема да биде достижен на реваншот.

Македонската ракометна репрезентација го игра првиот бараж меч од двобојот против Романија за влез на СП 2019. На терен гледаме една чудна ситуација. Немања Прибак и Филип Кузмановски немаат испачатени бројки на дресовите. Снемало жолта боја или ги утнале на пријавување па морале да ги корегираат на лице место? Не ни текнува трето.