Во оваа лоша серија од четири порази во низа на Мундијалот во Германија и Данска, како и секогаш наша најсветла точка е Кире Лазаров. Погледнете што му направи капитенот на рускиот голман од пенал. Лоб за сите пари, ама со другата рака. МАЈСТОРИШТЕ.

Едни плукаат по Филип Лазаров, други по Талески, трети по Раул дека е со мислите во Париз. На крајот секогаш сите се селектори, а најблиску до тоа е сепак (и може да биде) капитенот кој убаво потсети на две важни, можеби најважни работи: Имавме тешка ждрепка и ни фалеа искусните играчи.

„Живееме“, рече коментаторот кога Дејан Манасков намали на -1, но 40 секунди беа премалку за до крајот да постигнеме уште два, а да не примиме ниту еден од Исланд. Сепак “не преживеавме“, штета, но ќе се гордееме и ќе се навраќаме и на цепелините и на ваквите ремек дела од мртов агол.

Арно ама:

Македонската ракометна репрезентација го загуби и третиот меч во групата на Мундијалот во Германија и Данска, а тоа значи разигрување за пласман меѓу 13-то и 16-то место, што нема да биде задоволително за момците на Раул Гонзалес.

Онака како што и се предвидуваше, Македонија ги победи двете послаби селекции во групата, од двете посилни изгуби и сега останува да се удри машки на „Викинзите“ од Исланд.

Запамтете го името на Анголецот Едвалдо Фереира кој изведе чудо од пенал синоќа против Шведска. Од првиот агол кога го гледате ќе помислите дека ја фрла безвезе, но внимавајте кога ќе го дадат од втор агол. Какво е ова ефе?

Руска, кифли, сарма, прасечко, торта и ниту еден обид за удар против Хрватска. Вчера добар беше, даде еден гол.

Таки од ИХФ (Светската ракометна федерација), кој чат пат пишува колумни за Офсајд, издвои четири поенти за вчерашниот пораз на Македонија од Шпанија, кој практично го загубивме со блекаутот од 30-та до 33-та минута во која не решетаа со серија од 5:0.

Македонија го одигра можеби најдоброто полувреме на Светското, но само што почна второто, следуваше страшен пад во кој примивме пет гола во само три минути и победникот беше јасен.

Македонските цепелини се добро познат белег во играта на нашите ракометари и тие не го бираат противникот. Шпанија тоа го почувствува на Мундијалот пред две години кога загубивме со 4 гола разлика. Па нека биде така и вечерва, ама со резултат во наша полза. Да ве потсетиме како Кире ги потепа на СП 2017 во Франција.

Македонската ракометна репрезентација го претрпе првиот пораз на Мундијалот во Германија и Данска во првиот сериозен испит кој беше многу тежок за положување.

Да сум газда на клубот на Стојанче ќе му купев златно ланче. Па оној Русинон не е луд што токму него го држи како единствен Македонец во најголемиот Вардар. Тој со отсвртување прави чистка на линијата како лонец со сарми.

Капитенот на македонската репрезентација својата светска одисеја ја започна од РК Загреб, клуб во кој дојде од битолски Пелистер во 2000 година. Хрватската јавност исклучително многу го цени Лазаров кој вечерва ќе игра токму против нив - на мегдан со Червар.

Најдобрите македонски ракометари ја остварија и втората победа на Светското првенство 2019, откако попладнево го совладаа Бахреин со 28-23 (12-8).

Со шест голови од исто толку обиди и со гранитна игра во одбраната, Стојанче Стоилов беше најзаслужен за убедливата победа на Македонија над Јапонија на стартот од Светското првенство во Германија и Данска. Но, револтиран од политичките случувања во земјата, Стоилов се огласи на Фејсбук.

Ретко минува натпревар на Македонија без цепелин, без разлика дали противникот се вика Јапонија или Шпанија. Беа трпеливи, се обидоа еднаш, па два пати, па им успеа од трета мајка. Овој пат цепелинот беше братски.

Како што и се очекуваше, она што ја красеше играта на селекцијата на Јапонија на денешниот меч против Македонија беше брзиот проток на топка и брзата транзиција, но тешко излегуваа на крај со нашиот министер за одбрана. 20 интервенции за Борко Ристовски. Ова е најубавата во јапонски мајагери стил.

Македонската ракометна репрезентација им покажа на Јапонците дека нема што да бараат во дуел со земја каде ракометот е спорт број 1. Со исклучок на тенката и неагресивна одбрана, Македонија ја оправда фаворитската улога.

Македонската ракометна репрезентација добро се загреа во пресрет на Мундијалот во Германија и Данска и со 37:31 ја совлада селекцијата на Србија. Имаме за издвојување три јаки голови кои со овации ги награди публиката во Борис Трајковски.

На свечениот собир по повод доделување на наградите за „Спортист на годината“ во организација на Агенцијата за Млади и Спорт, капитенот на ракометниот клуб Вардар демонстративно станал и заминал.

На три недели до Светско ракометно првенство во Германија и Данска, ИХФ ги објави најубавите 10 гола од претходниот Мундијал во Франција. Во таа конкуренција влезе потегот по кој станавме препознатливи. Двоен цепелин, убавина за очи и душа.

Иако е уште млад и е само втора сезона дел од Бундеслигата, навивачите на Рајн Некар се гледа дека го сакаат Филип Талески. Убаво е кога ќе се чуе како цела сала во елитната ракометна лига го скандира името на нашиот репрезентативец.