Историски момент за ракометот, Тимур Дибиров стигна до 1.000 голови во ЛШ

Легендарниот Русин кој и на 38 години упорно гине за дресот на Вардар, стана четвртиот играч во историјата кој успеа да стигне до големиот јубилеј. Другите тројца кои го имаат остварено овој подвиг се Кире Лазаров, Никола Карабатиќ и Момир Илиќ.

Дибиров до 1000-ката стигна во 18 минута од мечот против ПИК Сегед со погодок од пенал и со вкупно 7 гола на овој меч, сега има 1.004 комада во Лигата на шампионите.

Деби голот во ЛШ го постигна на натпреварот против Горење како играч на Чеховски Медведи каде ја почна кариерата и каде настапуваше до 2013-та година.

Од тогаш е член на Вардар каде успеа да ги освои сите можни трофеи: 2 во ЛШ, 4 во СЕХА Лигата, 6 титули првак на Македонија, 6 пати освојувач на Купот и уште 3 пати освојувач и на Супер Купот на Македонија.

21 трофеј, 1004 голови во Лига на шампиони, па уште и два пати првак на Европа, сето тоа за еден клуб каде секогаш игра дрско и посветено го поти дресот на Вардар.

Ова е голот број 1.000 за Тимур кој се приклучи на тесното друштво, каде нашиот капитен и селектор е лидер со 1.462 погодоци. 

За овој човек не постои мртов агол. Покрај јубилејниот, го постигна и најатрактивниот гол на мечот.

За одбележување е и оваа штосна асистенција.

Инаку Вардарци загубија со 34:31, а вториот натпревар со ПИК Сегед го играат дома на 25 ноември.

19 ноември 2021 - 08:05

Штета ако сте пропуштиле

Фоајер

Тоа што не може ЦИА, може Националниот фонд за демократија

Бананата

Пусти Венци