Пред точно 20 години, во 1998 година на Светското во Франција, во Марсеј играа Англија - Тунис. Во градот и околу стадионот три дена имаше нереди во кои 32 лица беа повредени.
Пратењето на фудбалската топка не е единствениот приоритет на камерманите. Тоа го знаеме ние, а го знаат и тие кои ќе снимаат. Исто така битно е во режија да бидат сконцентрирани за да добиеме што поубав пренос.
Отворањето на Мундијалот е закажано за 17 часот кога први ќе заиграат домаќинот Русија и Саудиска Арабија. Ама навивачите на Перу се нестрпливи и веќе им работи адреналинот. Во ситуација кога во својата земја не можат да плешат фудбалче на јавен простор бидејќи многу им било украсено, царевите си направија голчиња на плоштадот во главниот град на Русија. То бе ѕверови.
Откако ја израдува јавноста која навива за Рома кога дојде да се слика со легендата Тоти и двајцата беа претставени како гладијатори, светски познатиот глумец брзо покажа дека го сака најголемиот ривал на Рома.
Перуанците после повеќе од 36 години ќе се појават на едно Светско првенство. Голема радост им донесе одлуката на Судот за спортска арбитража во Лозана кој ја поништи суспензијата на нивниот капитен и најдобар играч Гереро кој ќе игра во Русија.
Како и на Европското 2016, така и сега на Светското Исланд ќе биде една од најинтересните селекции за гледање. Пред сè поради фактот што скоро цела земја ќе отпатува во Русија со „Викинзите“.
Фан клубовите на Ливерпул и Реал Мадрид од земјава имаат стотици членови кои неуморно ги бодрат своите тимови секаде низ Европа. Така беше и во Киев каде се развеа нашето знаме.
Секоја чест за гостинската победа на Наполи против Јуве во 90-та и за јуначкиот пресврт на Интер против Лацио вреден ЛШ, ама Битолчани стварно имаат добра поента.
Стварта е во тоа што ова не е обично 4-то место, туку она за ЛШ меѓу Лацио и Интер. Гостите до 77-ма минута беа отпишани бидејќи тогаш беше 2:1, а табелата Лацио 75, Интер 69 бода. Но во следните 4 минути, Лацио доби црвен и прими два гола, а Интер со ист број на бодови поради подобар меѓусебен дуел отиде во елитното натпреварување по пауза од 6 години. Чисто ако некој не го конта радувањево.
А ќе дојде јули-август, па пак ќе се дурат како убаво го пречекале Милан или некој друг гигант и тоа благодарение на учеството во македонската лига која е полноправна членка на УЕФА и ФИФА.
Прво закажале „ферка“ на однапред договорено место. Таму дошле 60-ина хулигани на Базел и 90 на Цирих засилени со германска банда навивачи на Карлсруе. По тепачката, овие од Базел не можеле да се смират па решиле да им ги кршат возилата на противниците кои едвај спасија жива глава.
Иако соиграчите го избраа за најдобар играч на сезоната, бразилскиот репрезентативец не ужива доверба кај тренерот Антонио Конте и наскоро би можел да замине од „Стемфорд Бриџ“ ако овој остане.
Симоне Инѕаги не успеа да ја круниса сезоната со пласман на Лацио во Лига на шампиони. Во само три-четири минути добија црвен картон, примија два гола и Интер после шест години оди во ЛШ. Тоа беше причина тифозите на Рома да играат мајтап.
Овој навивач на Олимпик Марсеј многу тешко го поднесе или поточно не го поднесе поразот во финалето на ЛЕ од Атлетико. Телевизорот така добро го среди, што сега не проаѓа и кај „старо купујем“. Му влезе со дрво, со нога, па и со глава, а додека се караше со камерата неколку пати стана за да го докрајчи. Мора да го видите и крајот.
Пред две години Хуанфран не го даде решавачкиот пенал во историското финале на Лига на шампиони против Реал Мадрид, после што им се извини на навивачите. Тие го поддржаа и него и целиот тим. Синоќа одново отиде кај нив, овојпат како победник во Лига Европа.
Во Аргентина избил голем скандал откако тамошната фудбалска федерација им поделила прирачник на фудбалерите, стручниот штаб и навивачите за тоа како да се однесуваат во Русија. Во часописот пишува и како да им се додворуваат на Русинките.
Навивачите на Олимпик Марсеј, единствениот француски клуб кој донел европски трофеј во земјата, го сметаат својот град за престолнина. Не го можат Париз ниту пак ПСЖ и вечерва се спремни да побудалат од среќа ако го победат Атлетико Мадрид во финалето на Лига Европа.
Најгрдиот и најдискриминирачки извик кој може да се чуе на трибините во Италија за Наполитанците гласи: "o Vesuvio Lavali col fuoco". Такво нешто вчера извикуваа навивачите на Сампдорија, а во обид да ги спречи се појави и претседателот на клубот Масимо Фереро, но и тој си доби среден прст.
Дојдоа во Серија А тотално неочекувано од градче со 60.000 жители, како третолигаш 13 месеци претходно. Се удавија на табела со рекордни 12 порази по првите 12 кола. Но тоа сега не е важно, важно е дека ги имаат најдобрите навивачи кои на последниот меч на домашен терен сезонава (победа против Џенова 1:0) ги испратија во втора лига како херои.
