Ништо не се италијанските навивачи кога се спремаат за Рома – Лацио, српските за Ѕвезда – Партизан или било кое друго жестоко дерби во споредба со ова што ќе го прочитате. Овие се караат за фудбал и си палат куќи, ама буквално.

И ние имаме стадион со капацитет од 33.000 и Швеѓаните имаат, ама разликите во културата, организацијата и општо посетеноста, не се мерат колку и да мислиме дека Скандинавците немаат којзнае каква фудбалска традиција. Погледнете како прволигашот Хамарбу си ја испрати во пензија својата легенда Кенеди Бакирчоглу. 

Поради Г20 Самитот кој на крајот од ноември ќе се одржува во Буенос Аирес, уште не се прецизирани датумите на одигрување на двата меча од финалето на Копа Либертадорес меѓу Ривер Плејт и Бока Јуниорс - прво епско финале меѓу нив во ова натпреварување. За навивачите на двата тима е многу верглано, ама толку се добри што човек не може да се засити од нивните настапи.

Нив страста не може да им ја купат, тие и натаму фудбалот го гледаат како религија. Откако Дарио Бенедето со гол во 70’ минута израмни на 2-2 на гостувањето кај Палмеирас во Бразил и практично осигура епско финале на Копа Либертадорес, двајца навивачи во Буенос Аирес полудеа од радост.

Во вторникот, три дена откако хеликоптерот на сопственикот на Лестер се сруши и притоа загинаа тој и уште четири лица, непрестано се носат цвеќиња на местото на хаваријата, веднаш до стадионот „Кинг Пауер“.

Ако некаде може да видите бувкално сè што парадоксално спојува убаво, лошо, опасно и будалесто, тоа е најголемото дерби на турскиот фудбал: Галатасарај - Фенербахче. Овој дуел секогаш се прогласува за меч од висок ризик, а кога играат меѓу себе времето во Истанбул стои.

По ремито со Џенова на домашен терен, Јувентус минатиот викенд одигра тежок меч против Емполи на гости и славеше едвај по пресврт, со два гола на Роналдо. Во триумфот не им олеснија многу сопствените навивачи кои до 70’ минута не навиваа, револтирани од цените кои домаќинот им ги лупнал.

Скопје има две јаки сали за ракомет и стадион според европски стандарди, но и многу помодарци и Фејсбук навивачи кои чекаат силен противник за да и дадат поддршка на Македонија на лице место. Настапот на националниот ракометен тим во Битола беше вистинско освежување. Салата Боро Чурлевски грмеше за момците на Раул Гонзалес за кои секогаш треба вака да се навива. Се работи за град со ракометна традиција.

Лацио освои 3 важни бодови против Олимпик Марсеј, ама како мина целото тоа гостување за Италијанците во Франција, среќа што останаа живи и здрави. Нападнат бил клупскиот автобус на гостинскиот тим на кој му скршиле два прозори.

Навивач е на Милан и запознал стотици „браќа по трибина“ во светот. Минатиот викенд го гледал мечот Фрозиноне - Емполи на стадионот „Бенито Стрипе“ и така ги комплетирал сите стадиони од Серија А.

Како и во 2014-та кога ЦСКА Москва гостуваше во главниот град на Италија, така и синоќа стотици навивачи на рускиот клуб предизвикале нереди од кои на крајот сами го извлекле подебелиот крај.

На „Азади“ стадионот во Техеран на мечот Персполис (Иран) - Ал Сад (Катар) се регистрирани повеќе од 100.000 гледачи. Двата клуба го играат реваншот од полуфиналето во азиската Лига на шампиони. Првиот меч го добиле Иранците, а Катарците водат по 25 минути игра во првиот дел.

Кога Лацио со голот на Чиро Имобиле од пенал поведе на гостувањето против Парма, режијата знаеше да улови интересна ситуација која се рашири на социјалните мрежи. Меѓу потиштените домашни навивачи имаше и еден падобранец кој рипна од радост.

Иако со децении играат во различни лиги и пред секоја ждрепка за Купот се молат да паднат едни против други, навивачите на Вест Хем и Милвол ретко имаат прилика да се сретнат. А кога ќе се сретнат, како пред некоја вечер на боксерски меч меѓу Џими Гартон (познат навивач на Милвол) и  Гери Коркоран ќе се случи тоа што за жал се очекува да се случи.

Двестедваесет и второто издание на Дерби дела Мадонина поубаво изгледаше на трибините отколку на теренот. Навивачите на Милан и Интер со недели работеле на преубавите кореографии кои ги кренаа синоќа на „Сан Сиро“.

Големата трагедија на „Хејсел“ е една од најцрните моменти во историјата на спортот и за неа се знае речиси сè. Но фудбалот памети уште една, тешка трагедија за која не се знае многу.

Се судрија после цели 7 ипол години. Пред две недели во еден од најубавите европски градови се играше комшиското дерби меѓу Хамбург и Санкт Паули на кое толку се чекаше. COPA90 носи преубава репортажа од градот со едно од најголемите пристаништа во Европа.

Во најновата епизода на COPA90 се зборува за феноменот на преголемата посета на шведските стадиони, прилично несразмерна во однос на квалитетот на фудбалот таму. Во последно време има подем на навивачки групи кои ги престигнуваат дури и италијанските и германските по употреба на пиротехника и кореографии.

Гледач на мечот Дизелдорф - Шалке тргнал на полувремето да купи пиво и се вратил не со едно туку со осум и плус вурц сендвич во рака. Носи дрес од Црвена звезда.

Дерби натпревар е широк поим. Познато е дека ако одите по тури да ги посетувате, морници ќе ви лазат на вечното дерби во Рим, на Ѕвезда - Партизан во Белград, а посебно на она во Буенос Аирес. Во категоријата на нешто посебно влегува и ова дерби со величествен амбиент меѓу УСМ Алжир и МК Алжир. Да не верува човек дека ваква лудница може да има и во Алжир.

Откако направија изненадување со победа во Марсеј во 1. коло, фудбалерите на Ајнтрахт Франкфурт синоќа го нокаутираа и римски Лацио со 4-1. Имаат 6 бода и со една нога се во следна фаза. А како и да немаат со ваква публика.

Италијанската јавност е згрозена од едно скроз неочекувано видео кое се појави од вонредното коло во Серија А минатата среда. За време на мечот Рома - Фрозиноне на навивачката трибина на Рома еден од ултрасите на Рома влегол во кавга со навивачка која ја решил со буткање по скали кое можело да биде и кобно. Според информациите на медиумите од чизмата жената до толку настрадала што ќе мора да лежи во болница еден месец. Навивачот е идентификуван и уапсен.

Има 102 години и за неа пензионерскиот живот не значи дремење во фотеља и гледање серии, туку одржување во живот со помош на една епска традиција наречена Вест Хем. Таа го бодри веќе деветта деценија, а тој и возвраќа како што доликува.

Во неделата се одигра најголемото дерби на рускиот фудбал меѓу ЦСКА Москва и Спартак Москва кое заврши 1-1. Пред мечот поголема група „армејци“ сретнала група навивачи на Спартак кај една метро станица на улицата „1905 година“ и ги претепала.