Синоќа Борусија Дортмунд одигра само 0-0 кај давеникот Нирнберг и остана куса за два бода кои и тоа како вредат во трката за шампионската титула.
„Милионерите“ останаа без драгоцена поддршка од своите најверни, кои како и сите други навивачки групи во Германија, протестираат против понеделнички фудбал.
Додека домашните навивачи со цел репертоар песни, пароли и знамиња ја навредуваа Германската фудбалска федерација поради глупавата замисла Бундеслига да се игра и во работен ден (навивачите стојат на фактот дека фудбалот е вековна традиција во земјата и дека секогаш викендите се предвидени за фамилијарно одење на натпреварите), гостинскиот сектор остана празен.
Во оваа земја има голема солидарност меѓу навивачките групи кои сметаат дека воопшто не е во ред некој да патува долги километри сред работна недела, само за да им се угоди на моќниците од федерацијата и спонзорите кои заедно со телевизиските куќи ја ускладуваат програмата како ним им одговара.
Навивачите на Нирнберг на два пати го прекинуваа мечот откако фрлија стотици тениски топчиња на терен со цел да го свртат вниманието на јавноста кон нивниот апел да се прекине со фудбал во првиот ден од работната недела.
A not-so-subtle protest 🖕
— Goal (@goal) February 18, 2019
Nürnberg fans aren't happy about playing football on Monday nights...#fcnbvb pic.twitter.com/9D7eNdnsc2
Another Monday night match, another Bundesliga protest
— DW Sports (@dw_sports) February 18, 2019
Nürnberg fans showing their disapproval 🙅♂️
Black tennis balls have disrupted the #FCNBVB match a few times... pic.twitter.com/qZqQUkZoU5
Гостинскиот сектор остана празен откако навивачите на Дортмунд соопштија пред неколку дена дека ќе го пропуштат Нирнберг.
Мечот Нирнберг - Дортмунд заврши 0:0 и Борусија пропушти прилика одново да му избега бодовно на Баерн Минхен. Баварците минатиот петок славеа 2:3 кај Аугзбург и сега се на само 3 бода заостанување зад најголемиот ривал.
