УЕФА отвори дисциплинска постапка против Динамо Киев по нередите на стадионот Олимписки во Киев каде гостуваше Челси.
Камерата на луѓето од анти-дискриминаторското тело при УЕФА сними како домашните навивачи физички напаѓаат четворица црни навивачи.
Динамо Киев во март годинава беше казнет со 15.000 евра поради лоша организација, слаба безбедност и употреба на пиротехника на трибините. Од таа причина, УЕФА затвори една трибина за мечот против Фиорентина во четврт-финалето од Лига Европа лани. Од Динамо возвраќаат дека немало инцидент со гостински навивачи и дека тепачката била меѓу фановите на домашниот клуб. Мечот заврши 0-0.
