Полициска бруталност пред Камп Ноу, навивачите на Челси се бесни

Иако стадионите во Шпанија важат за мирољубиви места, особено Камп Ноу каде има плева од туристи кои одат да ја гледаат Барса, синоќа пред влезот било танзично и играле пендраци.

Навивачите на Челси обвинуваат за насилство од страна на луѓето задолжени за безбедност пред стадионот Камп Ноу и шират видеа на Твитер на кои се гледа како јадат ќотек.
 
Лондончани тврдат дека обезбедувањето било агресивно и удирало со пендраци кого стигне и без никаква претходна провокација, а тоа се случувало после одигрувањето на мечот меѓу Барселона и Челси.
Сведоштво на навивач на Челси:
„Бев таму, ужасно беше. Уште од почетокот беа агресивни. Не сум видел повеќе стјуарди и полиција на друг натпревар, па дури ниту во Баку, катастрофална област за човекови права и Фенербахче. Не претресуваа агресивно и три пати пати ми го испипкаа газот. На излезот, јас и тие околу мене излегуваа мирно. Тие поминаа преку рампата и потоа почнаа да удираат неселективно. Не стиснаа во затворен простор и не удираа, дури и кога некои паѓаа на под со се деца. Им посочив со рака дека долу лежи дете на подот и ги молев да престанат, а тој ме погледна и ми ја свитка раката. Ова не беше предизвикано, а тие не престануваа и ги удираа луѓето на под. Изгледаше како организиран и планиран напад.
 
Ве молам, кој и да го гледа видеово, ретвитајте, ширете, пратете мејл во УЕФА, Барселона, што и да е. Бесен сум на тоа што ми се случи. Можеа да прегазат луѓе и деца. Видов човек како крвари на главата. Удрија навивач во задниот дел од ногата и кога падна на колена, продолжија да го удираат и во грб и во глава. Одам на фудбал уште од 7 години и никогаш не сум видел вакво срање како ова“.

Барселона го елиминирапе Челси со 3:0 во осминафиналето од ЛШ и за сега нема одговор за инцидентот од нивна страна.

15 март 2018 - 09:30

Штета ако сте пропуштиле

Македонски зелник на хрватска трпеза

Ајнштајн, кажи драгичка!

Мислам, значи не сакам

Додека се ругаше само Бонева