Offside › Набрзинка

Роналдо: „Да можам, би играл само за репрезентација

9 октомври 2025

Кристијано Роналдо е добитник на наградата „Globo Prestígio“, за неговите 22 годишен стаж во репрезентација за која има 223 настапи, 141 гол, ЕП 2016 и два пехари во Лига на нации.
„Не го гледам овој трофеј како крај на кариерата, туку како продолжение на сè што сум направил. 22 години сум во националниот тим, мислам дека тоа зборува само за себе. Страста што ја имам за носење на дресот, за освојување трофеи, за играње за националниот тим. Често велам, да можам, би играл фудбал само за националниот тим, не би играл за ниту еден друг клуб, затоа што тоа е кулминација и врв на еден фудбалер. За мене е извор на гордост да играм за националниот тим бидејќи ја чувствувам поддршката од португалскиот народ.
„Сакам да продолжам да играм уште неколку години, не многу, морам да бидам искрен. Моето семејство вели дека е време да престанам и ме прашуваат зошто сакам да постигнам 1.000 гола кога веќе сум постигнал 900. Но, длабоко во себе, не мислам така. Сè уште создавам добри работи, им помагам на мојот клуб и на репрезентацијата. Зошто да не продолжам? Станува збор за уживање во моментот. Знам дека немам уште многу години да играм“.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор