Offside › Набрзинка

РК Вардар 1961 се враќа во Лига на шампиони после 4 години

10 септември 2026

Ракометарите на Вардар 1961 по четири години се враќаат во Лигата на шампионите на ЕХФ, а првиот натпревар во новата сезона ќе биде особено интересен. „Црвено-црните“ гостуваат кај Мелсунген во Касел, во натпреварот кој ќе се одигра во четврток од 20:45 часот (пренос Арена Спорт ТВ).
Мелсунген, пак, за првпат во историјата ќе игра во елитното европско натпреварување, откако минатата сезона ја освои Европската лига и со тоа обезбеди место меѓу најдобрите.
Интересно црвено-црните минатата сезона на два пати убедливо го совладаа Мелсунген кој подоцна го крена трофејот во Европската лига. Тогаш, според зборовите на тренерот Чупиќ Мелсунген имал неколку повредени ракометари и играл ослабнат а сега е голем фаворит како сила од Бундеслигата.

10 септември 2026

ФК Вардар денеска ја плати казната кон УЕФА во вредност од 250.000 евра.
„Казната се однесува на неправилности, манипулации, фалсификати и незаконити дејствија направени од предходните сопственици, акционери и одбор на директори. Период пред летото 2024-та.
Во сезоните 2021/22, 2022/23 и 2023/24 склучувани се незаконски двојни договори (пример: договорите со Блажевски и Глишиќ), исплаќани се пари од други сметки, недостасува сметководствена документација и дузина други неправилности наведени во образложението на казната од УЕФА“, стои во соопштението на клубот.

10 септември 2026

Одбојкарската репрезентација на Македонија на само 230 килoметри од Скопје игра Европско првенство, но мал е бројот на наши фанови кои решија да отпатуваат и да го бодрат тимот на Јошко Миленкоски.
За разлика од фудбалот, ракометот и кошарката кога игра(в)ме на ЕП, нема еуфорија и очигледно интересот за одбојката не е толку голем кај нас.
Но, Кипре и уште десетина Македонци ги бодреа Спартанците во Софија.