Offside › Набрзинка

Репрезентативците му дадоа голема поддршка на Рики

15 август 2023

Објавата на капитенот на македонската фудбалска репрезентација, дека се повлекува од националниот тим поради нарушени односи со селекторот Милевски, крена голема прашина.
Стефан Ристовски доби поддршка од колегите Столе Димитриевски, Александар Трајковски, Енис Барди, Висар Муслиу, Егзон Бејтулаи, Давид Бабунски, Бобан Николов.
Го поддржаа и поранешни репрезентивци како Горан Пандев, Влатко Стојановски, Крсте Велковски, Агим Ибраими, Панче Ќумбев.

Каде е и што прави летово селекторот Милевски?

извор

Челси казнет драконски: 10,75 милиони фунти и нова забрана за трансфери

16 март 2026

Премиер лигата истражувала тајни плаќања од Челси во периодот од 2011-та и 2018-та година. Овие тајни плаќања излегле на виделина при продажбата на клубот кога американски сопственици го купија клубот во 2022-ра.
Британски Скај Спортс пишува дека Премиер лига сега го казнила Челси за овие тајни плаќања 10,75 милиони фунти, го казнила со 1-годишна трансфер суспензија која е претворена во 2-годишна условна казна. Притоа изречена им е и 9-месечна забрана за трансфери од академијата.
Челси сам пријавил неправилности, а во случај тоа да не го сторел ќе го чекала поголема и потешка казна. Новите сопственици воочиле неправилности и ги пријавиле во Премиер лига, во Фудбалската асоцијација на Англија и во УЕФА.
Вкупно биле регистрирани 74 прекршоци меѓу другото нелегални исплати на агенти, финансирање од трета страна и исплати на посредници.
Челси во јули 2023-та година постигна спогодоба со УЕФА која му изрече казна од 10 милиони евра откако сопствениците укажале на нецелосни финансиски извештаи за 2018 и 2019.

извор

Македонија од вториот барабан во Лисабон ќе ги добие ривалите во квалификациите за ЕП 2028

16 март 2026

Ракометната репрезентација на Македонија на 26 март ќе ги добие ривалите за квалификациите за ЕП 2028 во Шпанија, Швајцарија и Португалија, објавија од ЕХФ.
Македонија според рејтингот ќе биде во вториот шешир заедно со репрезентациите на Австрија, Холандија, Фарски Острови, Србија, Полска, Чешка и Италија што значи дека со нив нема да се падне во иста група.
Прв шешир: Германија, Хрватска, Исланд, Шведска, Франција, Норвешка, Унгарија, Словенија
Втор шешир: Македонија, Австрија, Холандија, Фарски Острови, Србија, Полска, Чешка, Италија
Трет шешир: Литванија, Босна и Херцеговина, Белгија, Грција, Украина, Романија, Грузија, Црна Гора
Четврти шешир: Естонија, Летонија, Турција, Луксембург, Израел, Финска, Словачка
Ждрепката е закажана со почеток од 19:00 часот во Лисабон. Во квалификациите ќе играат 32 селекции поделени во осум групи, а на континенталниот собир ќе настапат вкупно 24 репрезентации.

извор