Offside › Набрзинка

Почина легендарниот центар Дикембе Мутомбо

1 октомври 2024

Легендата на НБА, Дикембе Мутомбо почина на 58 годишна возраст од тумор на мозокот.
Мутомбо е еден од центарските икони кои ги одбележаа славните денови од 90-те во НБА. Играше за Денвер Нагетс, Атланта Хокс, Филаделфија, Њу Џерси Нетс, Њујорк Никс и Хјустон Рокетс.
Четири пати беше избран за дефанзивец на годината во НБА: 1995, 1997, 1998 и 2001 година.
Во историјата на НБА, само Хаким Олајџувон има повеќе блокади од него. Инаку беше висок 218 сантиметри, а неговиот дрес е повлечен во Хокс и Рокетс.

28 јануари 2026

Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.

28 јануари 2026

Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.