Offside › Набрзинка

Почина легендарниот центар Дикембе Мутомбо

1 октомври 2024

Легендата на НБА, Дикембе Мутомбо почина на 58 годишна возраст од тумор на мозокот.
Мутомбо е еден од центарските икони кои ги одбележаа славните денови од 90-те во НБА. Играше за Денвер Нагетс, Атланта Хокс, Филаделфија, Њу Џерси Нетс, Њујорк Никс и Хјустон Рокетс.
Четири пати беше избран за дефанзивец на годината во НБА: 1995, 1997, 1998 и 2001 година.
Во историјата на НБА, само Хаким Олајџувон има повеќе блокади од него. Инаку беше висок 218 сантиметри, а неговиот дрес е повлечен во Хокс и Рокетс.

10 март 2026

Австралија им додели азил на пет члена на иранската женска фудбалска репрезентација кои учествуваа на турнир во нивната земја кога започна војната во Иран.
Одлуката падна после неколкудневните барања од иранските групи во Австралија и од американскиот претседател Доналд Трамп до австралиската влада да им помогне на жените, кои не зборуваа јавно за желбата да побараат азил.
Иранската репрезентација пристигна во Австралија за Азискиот Куп пред стартот на војната и се соочи со опасност да се врати дома за време на бомбардирањето.
Министерот за внатрешни работи на Австралија, Тони Бурк изјави дека азил им понудил на сите репрезентативки.

9 март 2026

Легендарниот хрватски капитен обезбедил голема поддршка за градското дерби кое Милан синоќа го доби 1:0 против Интер.
Според италијанските медиуми, Модриќ купил 60 билети за неговото семејство и пријателите од Хрватска да можат да го гледаат важниот натпревар во трката за титулата. Меѓу нив и Марио Манџукиќ.
Договорот му истекува во јуни, со опција за продолжување до 2027-та. Но за сега не му е продолжен и можно ова да му биде последно дерби.