- Готово да нема ден а да не стигне некоја вест за нов голем, богат трансфер на познат фудбалер од европските лиги во Саудиска Арабија.
- Веќе станаа толку нормални овие вести, што никој не се ни чуди кога ќе прочита кој сè отиде таму. Луѓето од саудиските клубови собраа многу големи ѕвезди од европските Топ5 лиги а немаат намера да застанат.
- Последен во низа е мароканскиот голман Боно кој се прослави на Светското првенство во Катар каде бранеше врвно во епските пенал серии. Тој оди во Ал Хилал кој на Севиља за него ѝ плаќа 19 милиони евра во трансфер кој со бонуси би можел да стигне и до 21 милион.
- По триумфот на Словенија 2-0 над Македонија на стадионот „Стожице“ во Љубљана, словенечкиот селектор Бостјан Сезар после натпреварот зборувал подолго пред новинарите, а меѓу другото кажал:
- „Честитки до момците, но ова е само почеток. Мора да раснеме од натпревар во натпревар. Едноставно не смее да има еуфорија. Победата е добра, ја остваривме против добра екипа, но Македонија не припаѓа баш на самиот врв на светскиот фудбал“.
- Сопственикот на големата транспортна и градежна компанија ПИМК во Бугарија и еден од главните инвеститори во фудбалскиот клуб Ботев Пловдив, Илијан Филипов бил застрелан во Пловдив.
- За сега информациите околу бруталното убиство се силно ограничени, пишува Спортал.бг. Криминалнистичката полиција обезбедила широк периметар околу местото на убиството и движењето по околните улици било сопрено за да се соберат докази за истрагата.
- Според првичната информација од органите на редот, бизнисменот е застрелан смртоносно во пределот на главата околу 1 часот после полноќ.
- Компанијата на Илијан Филипов била една од главните изведувачи на изградбата на новиот модерен стадион „Христо Ботев“.
- Се очекува во текот на денот бугарското МВР да излезе со детали од истрагата, верзиите за убиството и евентуални извршители.
