Offside › Набрзинка

МЗТ и Работнички едногласни: „Кошарка се игра за публиката, никогаш немало вакво нешто“

16 февруари 2024

Големо разочарување кај сите љубители на кошарката во Македонија предизвика одлуката на битолското МВР и организаторот КК Пелистер да забранат присуство на навивачи на Работнички и МЗТ Скопје на полуфиналето од Купот денес од 17:00 часот.
„МЗТ Скопје Аеродром денес по 26-ти пат ќе игра во полуфинале на Куп на Македонија и со сигурност може да кажеме дека ваков преседан досега не е виден бидејќи Куп завршници и друг пат се играле надвор од главниот град па никаде не е преземена ваква одлука. Изминатите часови на секаков начин и со сите гаранции се обидовме да го смениме мислењето на луѓето од Пелистер но за жал не успеавме“, стои во соопштението на Аеродромци.
„Срам и резил. На два часа пред тргнување на веќе организиран и платен превоз добиваме повик па потоа и меил дека присуството нема да ни биде одобрено. Во сала која е за скоро 1.000 седишта поголема од салата на Кале, каде што изминативе години се одржуваше Куп-завршницата, нема услови да се сместат две навивачки групи. Како претседателот на МКФ одобри Купот да се игра во Битола ако таму нема услови за примање на сите навивачи и дали овој Куп е приватна забава на битолската публика, која незнае како изгледа кошаркарскиот тим на Пелистер ако тој не игра против клуб од Скопје“, велат од навивачката група на Работнички.
Срамна одлука во Битола, вечното дерби без публика
Чкембари се солидаризираат со скопските групи

извор

Челси казнет драконски: 10,75 милиони фунти и нова забрана за трансфери

16 март 2026

Премиер лигата истражувала тајни плаќања од Челси во периодот од 2011-та и 2018-та година. Овие тајни плаќања излегле на виделина при продажбата на клубот кога американски сопственици го купија клубот во 2022-ра.
Британски Скај Спортс пишува дека Премиер лига сега го казнила Челси за овие тајни плаќања 10,75 милиони фунти, го казнила со 1-годишна трансфер суспензија која е претворена во 2-годишна условна казна. Притоа изречена им е и 9-месечна забрана за трансфери од академијата.
Челси сам пријавил неправилности, а во случај тоа да не го сторел ќе го чекала поголема и потешка казна. Новите сопственици воочиле неправилности и ги пријавиле во Премиер лига, во Фудбалската асоцијација на Англија и во УЕФА.
Вкупно биле регистрирани 74 прекршоци меѓу другото нелегални исплати на агенти, финансирање од трета страна и исплати на посредници.
Челси во јули 2023-та година постигна спогодоба со УЕФА која му изрече казна од 10 милиони евра откако сопствениците укажале на нецелосни финансиски извештаи за 2018 и 2019.

извор

Македонија од вториот барабан во Лисабон ќе ги добие ривалите во квалификациите за ЕП 2028

16 март 2026

Ракометната репрезентација на Македонија на 26 март ќе ги добие ривалите за квалификациите за ЕП 2028 во Шпанија, Швајцарија и Португалија, објавија од ЕХФ.
Македонија според рејтингот ќе биде во вториот шешир заедно со репрезентациите на Австрија, Холандија, Фарски Острови, Србија, Полска, Чешка и Италија што значи дека со нив нема да се падне во иста група.
Прв шешир: Германија, Хрватска, Исланд, Шведска, Франција, Норвешка, Унгарија, Словенија
Втор шешир: Македонија, Австрија, Холандија, Фарски Острови, Србија, Полска, Чешка, Италија
Трет шешир: Литванија, Босна и Херцеговина, Белгија, Грција, Украина, Романија, Грузија, Црна Гора
Четврти шешир: Естонија, Летонија, Турција, Луксембург, Израел, Финска, Словачка
Ждрепката е закажана со почеток од 19:00 часот во Лисабон. Во квалификациите ќе играат 32 селекции поделени во осум групи, а на континенталниот собир ќе настапат вкупно 24 репрезентации.

извор