Offside › Набрзинка

Грнчаров: Момците играат без 12 плати и повеќето без никакви финасии за нормален живот

18 април 2023

И покрај тоа што немаат своја тренинг база и стадион, како и никаква финансиска помош од управата, фудбалерите на Вардар без пари и со добра волја, се трудат и се мачат со сите сили да го вратат клубот во елитата.
„Сите против нас играат максимално, сакаат да го победат Вардар, од прва до последна екипа. Се соочуваме со најголемиот проблем од постоењето на Вардар и тоа е мотив да го вратиме клубот во прволигашкото друштво“.
„Сите зборуваат дека се должат три до четири плати, но не е точно. На најголемиот празник христијански, момците влегоа без 12 плати, повеќето без никакви финансии за нормален живот. Замислете како им е на сите со семејства и деца, дали се тие наши луѓе 100% фокусирани на фудбалот и дали уживаат во него. Верувајте, сите се мачат. Не дозволувам ниеден лош коментар да се каже за играчите“, вели тренерот Бобан Грнчаров.

Емотивен говор на чичко Дончо во соблекувалната на Вардар

извор

Поранешна француска министерка за спорт: Француските фудбалери немаа допинг-тест за Светското 1998

4 август 2026

Една изјава од поранешна француска министерка за спорт, Марие-Жорж Буфе го потресе фудбалскиот свет. Таа открила дека анти-допинг тестовите биле суспендирани за француската репрезентација за време на Светското првенство 1998 на кое станаа шампиони откако го згромија Бразил со 3-0 во финале во Париз.
И покрај години молк и деманти, сега поранешна министерка призна дека владата „ги скокнала“ допинг контролите и тестовите за репрезентацијата пред и за време на Светското првенство 1998.
Ова признание било дадено во документарката „Зидан, создавањето на легендата“ и е контрадикторно на сведоштваа која таа ги дала при испитувања во Сенатот во 2013-та каде категорички одбила каква било владина интервенција.
Поранешната министерка Буфе раскажала сега дека одлуката била донесена за време на интезивни контакти меѓу владата и фудбалската федерација. Откако еден неочекуван допинг тест бил направен во тренинг кампот на репрезентацијата на Франција во Тиње во 1997-ма година кога сите играчи поминале со негативни резултати, селекторот во тоа време Аиме Жаке и фудбалската федерација на Франција рекле дека овие тестови се сосема непотребни и ги реметат подготовките за Светско.
Физичарот Др. Алан Гарние кој бил праќан од Министерството за спорт да ги предводи тие тестирања, рекол дека токму Буфе лично побарала од него да ги прекине тестирањата. „Не требав веќе да и додевам на репрезентацијата до Светското првенство. Со други зборови - нема веќе изненадни контроли“.

извор

Започна пријавувањето за меморијалниот турнир во мал фудбал „Оливер Соколов – Сокол“

1 август 2026

Од денес и официјално започна пријавувањето за XXII Меморијален турнир во мал фудбал „Оливер Соколов – Сокол“ – Сокол ВЛТ 2026, еден од најпрепознатливите и најпосетени спортски настани во Македонија. Пријавувањето ќе трае до 28 август 2026 година, а бројот на екипи е ограничен на 40.
Турнирот традиционално ќе започне на 1 септември 2026 година на игралиштето „Сокол“ во ООУ „Христијан Тодоровски – Карпош“, Карпош 1, додека ждрепката ќе се одржи на 30 август 2026 година.
И оваа година учесниците ќе се борат за награден фонд од над 1.300.000 денари, што уште еднаш го потврдува статусот на турнирот како еден од најзначајните турнири во мал фудбал во државата.

извор