• Првиот човек на ФФМ, Мухамед Сејдини и официјално се повлекува од претседателската фотеља.
• Оставката се случува откако пред нецели три недели, 10 од вкупно 16 членови на Управниот Одбор на ФФМ, незадоволни од неговата работа, му испратија соопштение да закаже итна седница.
• „После седум извонредни години исполнети со историски достигнувања, решив да се повлечам од позицијата претседател на ФФМ. Одлуката е резултат на моето размислување дека дојде момент за промена, после период што ќе остане запаметен како најуспешен во историјата на нашиот фудбал. Ја напуштам оваа позиција со гордост“, вели Сејдини во соопштението.

Сејдини ја губи довербата од УО на ФФМ, бараат итно да свика седница

• Во опширен разговор за Спортклуб, најдобриот македонски кошаркар Ненад Димитријевиќ вели дека полека се адаптира на новата екипа Олимпија Милано, играчите сè подобро се разбираат меѓу себе и тоа е добра основа за продолжение на сезоната.
• Димитријевиќ вели дека како и за сите евролигашки кошаркари, така и нему му се поклопува календарот во ист ден кога има репрезентативна кошарка, да мора да играат и за својот клуб. Нено ќе го пропушти дуелот со Литванија во Скопје а се надева дека ќе биде спремен три дена подоцна да настапи на гости против Литванците.
• Вечерва го очекува прв настап во белградска Арена против Партизан, тим за кој навивал како мал. „Кога го соопштија распоредот, видов дека играме за брзо и си реков ете нема многу да чекам. Едвај чекам да ја почуствувам таа атмосфера, посебно чувство е да се игра во неа“.