Триумфи на Чикаго и Голден Стејт за 2-0

Предводени од Стеф Кари и Клеј Томпсон, Вориорс поведоа 2-0 против Њу Орлеанс Пеликанс во плејоф серијата. На 2-0 поведе и Чикаго Булс против Милвоки Бакс.

Пред 19.596 свои навивачи облечени во златно-жолти маици, кошаркарите на Голден Стејт тешко го почнаа мечот. По првата четвртина, Њу Орлеанс имаше водство од 13 поени разлика, благодарение на Ентони Дејвис и Ерик Гордон.

Сепак Воините ја оправдаа фаворитската улога и убедливо ги добија втората и последната четвртина за конечен триумф од 97-87. Клеј Томпсон уфрли 26 поени, а Стеф Кари додаде 22 со шест асистенции. Одлична вечер имаше и Тајрик Еванс со 16 поени, 10 скокови и 7 асистенции за петти триумф на ГС против Пеликанс сезонава.

Ентони Дејвис одигра уште еден одличен натпревар, на кој запиша 26 поени и 10 скокови. Ерик Гордон постигна 23 поени. Серијата продолжува во четврток во Њу Орлеанс.

Кари со неверојатна асистенција до Богут:

Ерупција на Клеј Томпсон во последната четвртина:

Ели-ап од контра на Игудала:

Џими Батлер ги слушаше препораките од Ноа и Дерик Роуз и продолжи да шутира и погодува. Батлер против Милвоки синоќа уфрли 31 поен, го сруши својот личен рекорд од претходниот меч кога постигна 25 поени. Чикаго го доби и вториот натпревар против Милвоки и со максимална предност ќе патува во Висконси.

Ди-Роуз запиша 15 поени, сите во второто полувреме, Пау Гасол на 11 поени додаде уште и 16 скокови и 4 блокади. Најефикасен кај Бакси беше Мидлтон со 22 поени. Лоша вест за Чикаго е повредата на раката на Никола Миротиќ, кој веројатно ќе ја пропушти третата средба.

Рекордот во плејоф натпреварите за Џими Батлер: