Македонија на 2 минути до крај губеше 70:68, а Ненад Димитријевиќ најпрвин го изедначи резултатот и по промашениот зицер на домаќините, на херојски начин, со звукот на сирената донесе триумф над Данска од 70:73.
Плејмејкерот на Уникс Казан беше најдобар поединец со 29 поени, а со двоцифрен број на поени мечот го завршија и Војдан Стојановски и Стојан Ѓуровски кои учествуваа со по 10.
За македонската кошаркарска репрезентација ова е важна победа уште на стартот на претквалификациите за Евробаскетот 2025, а воедно и успешно деби на селекторот Александар Јончевски.
Немаат многу време за одмор, бидејќи второто коло го играа веќе в недела против Словачка во салата Кале.
