Антиќ натпреварот го започна од клупата и своето влегување во игра на две минути пред крајот на првата четвртина го одбележа со забивање за намалување на водството на Сиена на 19:18. На крајот од првата четвртина Монтепаски имаше водство од 26:21.
Олимпијакос направи пресврт на почетокот на втората четвртина и со поените на Антиќ дојде до водство (26:28). На пет минути пред крајот на периодот, при резултат 30:31, судиите незаслужено му досудија техничка грешка на Антиќ, по шту тренерот Ивковиќ реши да го одмори на клупа. Во продолжението Монтепаски повторно ја презеде контролата и на полувремето замина со предност од 48:42.
Еден од најзаслужните за водството на домаќините беше Бо Мекејлеб кој во првото полувреме постигна 13 поени.
Олимпијакос направи серија од 0:7 на стартот од второто полувреме и поведе со 48:49, но во продолжението Монтепаски со добра игра во одбраната ги искористи грешките на гостинските кошаркари и по третиот период имаше предност од 66:58.
Но во последната четвртина следеше целосен пресврт. Мотепаски имаше предност од 10 поени (68:58), но кошаркарите на Олимпијакос почнаа да ја топат разликата за на три минути пред крајот и да поведат со 72:73. На една минута пред крајот при резултат 73:79, Мекејлеб промаши две слободни фрлања, а во следниот напад не погоди и од обидот за три поени, што беше клучен момент на натпреварот. Олимпијакос оваа четвртина ја добија со 9:24 и на крајот победија со 75:82.
Мекејлеб натпреварот го заврши со 15 поени, 1 скок и 4 асистенции, а Антиќ за нешто помалку од 13 минути игра реализираше 4 поени и 4 скокови. Најефикасен на натпреварот беше Андерсен со 26 поени, а кај гостите се истакна Принтезис со 20 поени.
Следниот натпревар ќе се одигра во петок, исто така во Сиена. Сериите се играат во 3 добиени по систем 2-2-1.
ЕВРОЛИГА:
ЦСКА - Билбао 98:71
Монтепаски - Олимпијакос 75:82
вторник:
Барселона - УНИКС 78:66
Панатинаикос - Макаби 93:73
