Никола Јокиќ постигна 31 поен со 22 асистенции и 21 скок за 45 минути, учинок каков што никој никогаш немал во НБА на еден натпревар. Ниту најголемите легенди на оваа игра. Србинот имаше плус уште три украдени топки, а главен беше и во продолженијата каде постигна или асистираше во седум од осум успешни напади на Денвер Нагетс.
Сомборецот постави нов стандард за трипл-дабл учинок а го урна и рекордот на Вилс Чембрлејн за најмногу асистенции од центар кој претходно беше на огромни 21 асистенција. Со САМО 3 слободни фрлања.
31 POINTS.
— NBA (@NBA) March 8, 2025
21 REBOUNDS.
22 ASSISTS.
THE FIRST-EVER 30+ PT, 20+ REB, 20+ AST GAME IN NBA HISTORY 🚨
NIKOLA JOKIĆ IS TRULY SOMETHING SPECIAL. 🌟 pic.twitter.com/I982bZePiF
NIKOLA JOKIĆ MAKES HISTORY 🚨
— NBA (@NBA) March 8, 2025
HIS 20TH ASSIST.
THE FIRST-EVER 30+ PT, 20+ REB, 20+ AST GAME IN NBA HISTORY 🤯🤯🤯 pic.twitter.com/TtkDibcd3o
Никола Јокиќ кој е актуелен МВП на НБА и главен фаворит за оваа титула на свои 30 години во моментов е трет кошаркар на вечната листа играчи со најмногу трипл-дабл учиноци. Јокиќ има 159 трипл-дабли во НБА лигата. Лидер на оваа листа е неговиот соиграч, ветеранот Расел Вестбрук со 202.
Денвер Нагетс и Феникс Санс синоќа одиграа неверојатен натпревар во кој Нагетс имаше во еден момент и 21 поен предност во третиот период но „сонцата“ направија фуриозен камбек и се изборија за продолженија.
Јокиќ имаше голема помош во победата од Арон Гордон кој постигна 27 поени и личен рекорд од 7 уфрлени тројки. Кристијан Браун додаде 25 поени со по 5 асистенции и скока, Џамал Мареј имаше 19 поени и 8 асистенции, Мајкл Портер Џуниор 16 поени, 2 скока и 3 асистенции, Расел Вестбрук придонесе со 14 поени, четири асистенции и три скока, а Пејтон Вотсон имаше 11 поени и по две асистенции и два скока.
Кај Феникс Санс Девин Букер беше најефикасен со 34 поени, седум асистенции и шест скока. Кевин Дурент постигна 29 поени со девет скока и пет асистенции. Мејсон Пламли се избори за дабл-дабл учинок од 18 поени и 11 скока. Ник Ричардс имаше 18 поени а Бредли Бил и Грејсон Ален по 11 поени.
Јокиќ синоќа го подобри многу својот сезонски просек па сега има просек од 28,8 поени по натпревар, 20.4 асистенции по натпревар, 1,8 украдени топки по натпревар. Претходно освои дури 3 МВП награди како најдобар играч со нешто послаби бројки од сезонскиве. И покрај сево ова, медиумите во САД пренесуваат дека во моментов Шеј Гилџес-Александер е фаворит за МВП наградата. Но после ова, пишува Јаху, после 30-20-20 на Јокиќ многумина би требало да го сменат мислењето за тоа кој треба да ја освои МВП наградата.
После овој натпревар, Денвер Нагетс е трет со учинок од 41 победа и 22 порази, а Феникс Санс се 11-ти со 29 победи-34 порази и мали шанси за разигрување за плејофот.
