МЗТ тргна одлично и на стартот поведе со 0:6, а потоа и 2:9, но потоа следеше серија на кошаркарите на Партизан и на крајот од првата четвртина водеа со 15:12.
Кошаркарите на МЗТ цели 7 минути не постигнаа поени и кон средината на вториот период Партизан поведе и со двоцифрена предност (22:12), но до крајот на првото полувеме нашиот кошаркарски шампион успеа да намали на негатива од само 4 разлика (29:25).
На почетокот на второто полувреме Гечевски ја заработи и 4-та лична грешка, но МЗТ и без него успеа да ја стопи разликата и во 27-та минута стигнаа до 42:41. Сепак кошаркарите на Партизан го засилија темпото и искористија неколку грешки на МЗТ и се вратија во двоцифрена предност од 54:44.
Во првите неколку минути од последната четвртина МЗТ повторно не постигна поени, па Партизан ја направи и најголемата разлика од +18 (62:44), но до крајот славеа со 68:58.
Единствен со двоцифрен број на поени во екипата на МЗТ беше Дамјан Стојановски со 15 поени.
Следниот викенд МЗТ во Скопје ќе ја пречека екипата на Крка.
