Кошаркарската репрезентација на Македонија се соочи со неколку порази во квалификациската група поради што ги закомпликува работите за пласман на Еуро 2025.
Црвено-жолтите играат во петок против Естонија на гости и мора таму во Талин да победат со најмалку шест поени разлика. Во понеделник Македонија ќе се сретне против Полска во Скопје каде исто ќе бара триумф од најмалку 6 поени разлика но за сигурен пласман на Европско првенство ќе мора да се надева и дека Литванија ќе го оправда фаворитскиот статус и ќе слави на мечот со Естонија.
За таков подвиг Македонија ќе има помош од најдобриот кошаркар во Евролига сезонава, натурализираниот Американец Ти-Џеј Шортс кој по доаѓањето од Бон блеска во дресот на Париз.
Парижаните играат дебитантска сезона во Евролига и се најголемо изненадување. Долго време беа дури и први на табела благодарение на победите кои им ги донесе Ти-Џеј Шортс. Шортс сезонава во Евролига за Париз бележи во просек по 16,9 поени, 2,3 скока и 8,5 асистенции по натпревар што е еден од најдобрите учиноци во елитното друштво.
Покрај Американецот, за Македонија на овие два натпревари речиси сигурно ќе настапи и Ненад Димитријевиќ кој игра за Милано.
Македонија последен пат играла на Европско првенство во 2015-та година кога овој турнир се играше во Хрватска. Од тогаш македонските кошаркари немале пласман на Еуро.
Важно е да се напомене и дека овојпат отсутен ќе биде лидерот на МЗТ Скопје Дамјан Стојановски поради повреда, а од иста причина ќе отсустува и Адем Мекиќ.
СПИСОК НА ПОВИКАНИ КОШАРКАРИ
Војдан Стојановски – МЗТ Скопје Аеродром
Андреј Магдевски – МЗТ Скопје Аеродром
Бојан Крстевски – МЗТ Скопје Аеродром
Андреј Маслинко – МЗТ Скопје Аеродром
Марин Петков – МЗТ Скопје Аеродром
Стојан Ѓуроски – Работнички
Дамјан Робев – Работнички
Виктор Ефремовски – Работнички
Андреј Шошкиќ – Работнички
Теодор Симиќ – Кожув
Страхил Николов – ТФТ Скопје
Ненад Димитријевиќ – Олимпиа Милано
Лејсон Зеќири – Башкими
Андреј Јакимовски – Колорадо
Ти Џеј Шортс – Париз
