Продолжува одличната серија на Хокси кои со триумфот на гостински терен против Бруклин од 95:78 сега имаат скор од 12 победи и 6 порази. Демаре Керол со 18 поени беше клучниот човек за петтата победа по ред за Атланта, а најголемиот дел од нив ги постигна во решавачката трета четвртина која ја добија со 36:13. На Перо Антиќ не му одеше шутот од поле и сите четири поени ги постигна од линијата за слободни фрлања.
24 часа по триумфот во Медисон Сквер Гарден, Кливленд го одржува победничкиот ритам, а жртва во нивниот шести триумф во низа е лидерот на Источната конференција Торонто Репторс кој го совладаа со 105:91. Леброн Џејмс постигна 24 поени и 13 асистенции, а Тристан Томпсон го заврши мечот со 21 кош и 14 скока.
Џинобили со 17 поени и Данкан со 14 поени, 10 асистенции и 10 скокови беа најзаслужни за победата на шампионот кој славеше над Мемфис со 107:102. Кај домаќините одлични партии имаат Марк Гасол со 28 поени и 12 скокови и Мајк Конли со 23 поени и 10 асистенции. Тим Данкан е најстариот играч во НБА лигата кој со 38 години успеа да оствари трипл-дабл. Карл Мелоун тоа го стори на 40 години.
Осмиот трипл-дабл во кариерата на Данкан
Забивањето на Џералд Грин против Далас
Решавачките поени на Кемба Вокер против Њујорк
Забивањето на Јанис Андетокумбо против Мајами
Цепелинот на Сиксерси
Топ 5 блокади
РЕЗУЛТАТИ:
Далас – Феникс 106-118
Шарлот – Њујорк 103-102
Вашингтон – Денвер 119-89
Бостон – ЛА Лејкерс 113-96
Торонто – Кливленд 91-105
Мемфис – Сан Антонио 101-107
Минесота – Хјустон 112-114 (по продолженија)
Милвоки – Мајами 109-85
Јута – Орландо 93-98
Сакраменто – Индијана 102-101 (по продолженија)
Филаделфија – Оклахома 91-103
Бруклин – Атланта 75-98
