Историски момент за НБА, Леброн заигра заедно со син му

„Кога стоевме еден до друг и го погледнав, беше како да сум во Матрикс“, изјави Леброн после мечот.

Леброн Џејмс и Брони Џејмс ја испишаа историјата во НБА уште на претсезонските натпревари, нешто што само ќе се потврди наскоро во самата лига.

Леброн кој во декември ќе наполни 40 години и Брони кој има 20 години, заиграа заедно за прв пат на мечот кој Лос Анџелес Лејкерс го загуби од Феникс Санс со резултат 114:118.

Никогаш во историјата на најсилната кошаркарска лига во светот, не се случило татко и син да играат во иста екипа.

Леброн се спрема да ја стартува својата 22-ра сезона, а Брони ќе дебитира во НБА како 55. пик на драфтот избран од Лејкерски, откако една сезона помина на Универзитетот Јужна Калифорнија. 

„Ова беше нереално. Кога стоевме еден до друг и го погледнав, беше како да сум во Матрикс“, рече Леброн Џејмс по натпреварот.

За 16 минути игра Леброн Џејмс направил скор од 19 поени, 5 скока и 4 асистенции, а син му Брони не успеал да постигне ниту еден поен и за 13 минути игра имал само 2 скока.

Новата НБА сезона почнува на 22 октомври, а првиот меч на Лејкерси е против Минесота. 

7 октомври 2024 - 11:41

Штета ако сте пропуштиле

Трофазна фирма

Како да ги препознаете глупите луѓе?

Босна вечна

Квентин Тарантино: „Ме депримира кога некој гледа мој филм на телефон“