Атланта подобра од Кливленд, трипл-дабл на Харден

Атланта и натаму е најсупешниот тим во НБА лигата, откако синоќа го совлада Кливленд Кавалирс 106:97.

 

Иако Перо Антиќ на теренот мина само шест минути без постигнат поен, Јастребите во својот состав имаа дури шесторица двоцифрени кошаркари. Ал Хорфорд уфрли 19 поени, девет скокови и шест асистенции. Пол Милсап имаше 16 поени и осум скокови, а 16 погодоци уфрли и Џеф Тиг. Кај поразените Кавси, Кајри Ирвинг имаше 20 поени, два повеќе од Леброн Џејмс, кој мечот го заврши и со шест скокови и осум асистенции.

 

Џејмс Харден ги предводеше Ракетите до 42. победа во сезоната и уште еднаш сериозно потврди дека е главен кандидат за МВП на регуларниот дел од сезоната. Хјустон славеше 103:93, а Харден уфрли 38 поени, со по 12 скокови и асистенции. „Брадата“ имаше поддршка и од Теренс Џонс кој постигна 17 поени и осум скокови. Кај Пистонси, Грег Монро имаше 19 поени и осум скокови, а Реџи Џексон уфрли 17.

 

Симултанката на Џејмс Харден против Детроит синоќа:

 

Како и Јастребите, 48-ма победа сезонава оствари и Голден Стејт Вориорс. Творец на триумфот на воините против Далас Маверикс 104:89 беше Стефон Кари со 22 поени и седум асистенции. Дени Грин ја заврши средбата со 18 поени и девет скокови, а Клеј Томпсон придодаде 16. Кај Маверикс, Раџон Рондо и Дирк Новицки имаа по 14 погодоци.

 

Сите поени на Стефон Кари:

 

НБА Резултати: