Сиромашните фудбалери на Белизе кои собираа донации за да можат да играат на континенталното првенство на Централна и Северна Америка, се лесна мета за местачите на натпревари.
Непознат човек им пришол на неколкумина од фудбалерите уште на аеродромот во Панама додека тие патувале кон САД, а потоа истиот човек ги пресретнал и во Портланд пред натпреварот против домашната репрезентација.
Тој ги убедувал дека немаат шанси против САД и сакал да му ветат дека ќе загубат, а за возврат им ветил по 10.000 евра.
Сепак фудбалерите на Белизе ја ставиле националната гордост пред парите и ја одбиле понудата.
Местачот немал воопшто потреба да им приоѓа на фудбалерите на Белизе затоа што тие и без да бидат поткупени загубија со 6:1. Колку ли ќе загубеа ако се согласеа да попуштат?
