Твојот клуб игра за опстанок против најсилниот тим во Европа во тој момент кој со победа станува шампион. На маса ти нудат многу пари и соиграчите те убедуваат да се договорите затоа што и онака немате шанси да опстанете во лигата. Сторија за судскиот процес „Валенсиен-Марсеј“.

Селекцијата на Бразил во четврток ја пречекува Аргентина во Бело Хоризонте каде немаат играно уште од болниот пораз од Германија 7:1. Иако се работи за огромно ривалство меѓу двете селекции, Нејмар во пресрет на квалификацискиот меч си ги викна клупските колеги во сопствениот авион и заедно ја летнаа за Бразил. Кул потег.

Некој ќе рече дека една од најтешките работи во спортот ја работат делителите на правдата. И стварно е така, бидејќи имаат многу одговорна работа, а и да не погрешат ништо, пак ги пцуе кој стигне. Видеово е одличен приказ за тоа колку уствари се внимателни да не утнат нешто, а истовремено и напнати.

Бидејќи утринава сите читатели ќе се лепат на веста за новиот избор на претседател во САД и ќе успееме да ги натераме да читаат спорт само ако напишеме дека Меси потпиша за Реал Мадрид, ете и ние ќе бидеме ин. На некој му текнало да склепа неколку фудбалски фотомонтажи од познати моменти на кои Трамп е победникот, а Клинтон лузерот, но бил спремен и за обратното.

На листата имате 40 стрелци од најквалитетните национални првенства во Европа кои сезонава во просек најчесто постигнуваат голови.

Крузеиро и Гремио се едни од најпознатите фудбалски клубови од Бразил и претпоставуваме единствени кои имаат влезено во волку лош фазон да не знаат што со топката. Се бара носителот на тв правата да го објави цел натпревар за да видиме што правеле понатаму.

Денешниот датум навивачите на Челси го паметат по потписот на Ѕола, а навивачите на Баерн Минхен се срамат. На Алијанц арена во рамките на Купот на УЕФА во 2007-ма го нагостија Болтон кој допатува со втор тим. Се очекуваа многу голови и така и беше, паднаа четири, но никој не ни сонуваше дека два од тие ќе ги прими Оливер Кан. Болтон таа сезона стигна до осминафинале, а Баерн беше елиминиран во полуфинале од Зенит кој го освои Купот таа година.

„Пред точно 20 години го потпишавме еден од најдобрите наши играчи во историјата“, напиша Челси на своите официјални профили на социјалните мрежи за легендарниот Џанфранко Ѕола.

Да ги имаш овие бројки од насловот до својата 31 година, навистина треба да го носиш прекарот магнет, бидејќи тоа си и за спонзорите и за фановите. Тие не те оставаат на мира, ама затоа едните те прават ултра популарен со милиони кликови на слика, а другите лудо те кешираат ако се напиеш сок или носиш гаќи во јавност.

На фудбалски меч во мексиканскиот град Талнсинго судијата Виктор Трехо му дал црвен картон на фудбалерот Руберн Ривера Васкез кој толку силно го удрил по глава што судијата починал на лице место. Бразилскиот портал Globo Esporte пишува дека 59-годишниот судија починал од мозочно крварење. Виновникот избегал од местото на настанот, ја искористил настанатата врева. Полицијата сега трага по Васкез.

Винченцо Монтела ги заврати ракавите и со нискобуџетните играчи кои му ги донесе Галијани склопи каков таков тим и почна да бележи резултати со кои Милан неочекувано стана најголемото изненадување сезонава во Серија А.

Кога клуб по име Интер после 12 минати кола во Серија А има 5 порази и е на 9 место со 13 бода зад лидерот, тогаш очигледно е дека нешто не оди. Но тоа е така веќе шест сезони по ред и навивачите не може повеќе да живеат со старата слава која ја создаде Мурињо.

Голманот на Слиго Роверс, Михаел Шлигерман доаѓа од Каунти Мајо а дедо му е Германец. Зборот German е дел од неговото презиме. Има ли уште такви примери каде презимињата на играчите содржат збор кој директно ги поврзува со нивната националност или националноста на нивните родители?

Навивачите на Ливерпул синоќа против Вотфорд пееа песна која што ја насмеа целата фудбалска јавност. Според нив, тимот е толку добар што и кога би го имале Луис Суарез повторно, тој би седел на клупата за резерви. „Црвените“ играат препородено со Клоп.

Премијата Golden Boy, златно дете на европскиот фудбал се доделува веќе 14 години. Годинава наградата ја доби Ренато Санчез кој минатата сезона играше за Бенфика а годинава стана шампион на Европа и фудбалер на Баерн Минхен.

Сè е во ред со холандскиот репрезентативец Робин Ван Перси за кој некои медиуми доцна синоќа објавија дека при еден дуел останал без едното око.

При водство на Фенербахче од 0:2, голманот на домашниот Акхисар Беледје, Фатих Озтурк го запечати поразот на својот тим иако претходно фати два чисти зицери.

Манчестер Јунајтед конечно заигра добро и рутински со 1:3 го совлада Свонси на гости. Ибрахимовиќ даде два гола од кои првиот беше 25.000-от погодок од основањето на Премиер лигата во 1992. година. Кога му кажале после мечот, изјавил: „Ах, јас помислив дека сум единствениот кој дал 25.000 гола“.

Македонскиот репрезентативец Илија Несторовски не престанува да ги тресе мрежите на ривалите во Серија А. Попладнево со гол во 72. минута „Нестогол“ израмни против Милан, но неговиот тим не издржа до крај и загуби од „Росонерите“ 1:2.

Нов рекордер во Европа по бројот на последователни победи доаѓа од Шкотска. Тимот Ист Килбрајд остварил 27 триумфи по ред и го сруши рекордот на Ајакс од сезоната 1971/72 година.

На 5. ноември 1997 година, четата на Генерал Лобановски триумфално прошета низ „Камп Ноу“. Предводени од Шевченко кој постигна хет-трик и Ребров, Динамо Киев ја торпедираше Барселона со 0-4 и ја изненади целата фудбалска јавност.

На денот на својот 30 роденден, поранешниот хрватски репрезентативец Дадо Пршо постигна неверојатни пет гола на меч од Лигата на шампионите. На тој 5. ноември 2003. година Монако го победи Депортиво Ла Коруња со рекордни 8-3. Тоа беше највисоката победа во меч од ЛШ.