Исто движење, иста енергија, нервоза, агресија, абе плукнат Винисиус. Но во лавината видеа на Твитер, некој си поиграл и го забетонирал името на Бразилецот на самиот клип и на прва секој ќе помисли дека е тој. Ние го објавивме и толку им требаше на нашиве мадридисти - „професионалци“, се кренаа против редакцијата и тоа лути бре и натажени за најмилото од Рио.

Селекторот на италијанската фудбалска репрезентација црта и објаснува со каква финта треба да се служат напаѓачите пред да втрчаат кон гол. Да ја следат позицијата на линискиот судија. Интересно.

За Сан Марино, 2024-та е фудбалска година за која веројатно до сега само сонувале. Верувале или не, први во група завршија и годинава се радуваа на триумф по пауза од 20 години и тоа два пати.

Паднаа 26 гола на 9 меча во претпоследниот ден од последното коло во групната фаза од Лига на нации. Еден од најубавите, ако не и најубав е оној на средбата Полска - Шкотска 1:2. Го постигна дефанзивецот Камил Платковски.

Во реваншот од четвртфинале на Конкакаф Лига на Нации, САД со 4-2 ја совлада Јамајка. Стрелец на првиот гол за домаќините беше фудбалерот на Милан Кристијан Пулишиќ кој го прослави со фамозниот Трамп танц кој го прошири по светот.

Иако делува на лик кој слободното време го поминува во играње Плејстејшн, Осман Дембеле да ти бил опседнат со документарни филмови за диктатори. „Ми се допаѓа да гледам што правеле диктаторите: Мобуту, Германецот...Сталин, ми се допаѓаат тие документарци“, вели фудбалерот на ПСЖ. Чуамени и Кунде се кезат на муабетот.

За англискиот фудбал може да кажете дека е ваков или таков, некому да се допаѓа повеќе некому помалку, ама факт е дека најдобро организираната лига на свет е токму англиската Премиер лига. Кај нив ништо не се препушта на случајот, особено не невкусни зафрканции.

Македонската фудбалска репрезентација со години се бори против лошата трева на Градски. И таман кога помисливме дека е џам направена, пак не чини, а двојно повеќе пари се дадоа од онаа на Алијанц арена.

Италија - Франција синоќа заврши 1:3 во групата 2 од А дивизијата, а претходно и Франција - Италија заврши 1:3. Тоа значи дека ако Мојс Кин успееше да реализира во последните мигови од средбата, Италија ќе завршеше прва поради подобриот меѓусебен дуел.

Во група 1 од А дивизија во Лига на Нации Португалија и Кристијано Роналдо играат совршено. Португалците во петокот ја размонтираа Полска со 5-1 иако до 59-та минута резултатот на семафорот беше 0-0. Кристијано Роналдо (39) даде два гола, еден во 72-ра од пенал и еден во 87-ма минута со ножички за конечни 5-1.

Италија имаше супер шанса да заврши прва во групата 2 од А дивизија во Лига на нации но на крајот Франција во последното коло славеше 1-3 и излезе пред Италијанците на табелата. Двете репрезентации имаат ист број бодови, ист меѓусебен учинок (Италија исто славеше 1-3 на гости) но Французите имаат подобра гол разлика. Синоќа Адриен Рабио со два гола со глава и Лук Диње со прекрасен гол од слободен удар и две асистенции ги спуштија Итаијанците на второ место.

Светскиот првак Андре Шурле го откачи фудбалот на 29 години, ама не за да безделничари по јахти и да се пропие. Неговиот спортски живот е бетер откако е во пензија. За роденден на пример истрча 42 км. Позаслужена пица и торта на биоскоп.

Република Ирска се држеше добро на „Вембли“ во Лига на Нации до 53' минута кога почна страшна канонада на Англија. Од тој момент кога Хари Кејн од пенал го отвори резултатот па сè до 58-ма минута Ирска прими три гола и губеше 3:0. До крај Англичаните „пукнаа петарда“ и со 5:0 ги испратија гостите. Меѓу стрелците беше и младиот стопер Тејлор Харвуд-Белис (22) од Саутемптон кој постигна дебитантски гол со глава.

Македонската фудбалска репрезентација триумфално ја заврши годината и го потврди првото место во групата, а со тоа и промоцијата во Лига Б. За пласман во баражот за Светско ќе мора да ја почекаме разврската.

Многу од спортските портали во Македонија, по гостинската победа над Ерменија напишаа дека ќе играме БАРАЖ ЗА СП - со оглед на тоа што ќе бидеме прво место во групата „4“ од сегментот „Ц“ во Лигата на нации. Реалноста е малку поинаква. 

Запознајте го Абубакари Коита од Мавританија, инаку член на АЕК Атина, кој со ненормален гол го отвори гостувањето против Боцвана во Африканскиот Куп на нации. Значи не Роберто Карлос од Бразил, туку Абубакари од Мавританија. Отиде мрежата.

Незаменливиот чувар на голот на Македонија сезонава нема клупски настапи, но затоа за репрезентација нема примен гол на последните четири средби. По завршувањето на синоќешната победа над Летонија од 1:0, извади маица со емотивна порака: „За сите жртви во Валенсија…Напред Валенсија“.

Ако се види табелава нема да чуди претпоставката дека Франција е фудбалски обезбедена за наредни години. Француските клубови им даваат најголема шанса на младите фудбалери. Бројни француски прволигаши пуштаат „во оган“ тинејџери по 17-18 години. Од нив после некои ќе стигнат и до А тимот на Франција. На табелата Барселона е лидер откако се вратија на правата приказна со Ла Масија.

Англичаните и се одмаздија на Грција за поразот дома и тоа убедливо со 0:3 и сега се први во група со идентичен број на бодови. Првиот репрезентативен настап го имаше 23 годишниот Куртис Џонс од Ливерпул, кој си поигра со грчката одбрана со мангупски потег.

Селекцијата на Парагвај направи големо изненадување во јужноамериканските квалификации за СП 2026. Ја доби Аргентина со пресврт 2:1, која дојде со полн состав. На погодокот на Лаутаро Мартинез во 11 минута, домаќините одговорија по само 8 минути со шоу голчиште на Антонио Санабриа од Торино. На Твитер го споредуваат со оние незаборавни ножички на Роналдо на мечот Реал - Јуве.

Венецуела синоќа прослави историско реми против Бразил (1:1). На претходните 10 меча во Каракас, Бразил секогаш славеше, 10 победи. Сега Венецуела успеа да се избори за нерешен резултат. Винисиус промаши пенал а домаќинот израмни со прекрасен гол. Во финишот кога кариоките бркаа цел плен, се вклучија прскалки на теренот, ненамерно или не, а судијата го прекина на кратко мечот.

Селекцијата на Бразил повторно киксираше во мундијалските квалификации каде е трет на табела, со само 5 победи по 11 кола. Одигра 1:1 против Венецула на гости. Резултатот го отвори Рафиња со прекрасен гол, но во вториот дел домаќините израмнија, а Винисиус лошо го изведе пеналот, а потоа го утна цел гол.

Македонската фудбалска репрезентација вечерва минимално со 1-0 ја совлада Летонија во претпоследното коло од групната фаза во Лига на Нации и осигура прво место и пласман во погорна дивизија.

Швеѓанецот со унгарско потекло од Спортинг Лисабон, Виктор Ѓокереш и натаму е неприкосновен лидер на листата најдобри стрелци во најсилните 10 европски лиги. Тој има вкупно 34 гола и асистенции на 22 натпревари за клуб и репрезентација. Втор е Хари Кејн, а трет е најголемото откровение на сезоната, Египќанецот од Ајнтрахт Франкфурт Омар Мармуш.