Сме виделе многу неспортски потези во фудбалот, ама ваков потег, па уште во Премиер лига е некако многу срамно да се направи. Како ќе му беше него вака да го влечеа за коса, која ја имаше како грмушка.

Какви нинџи излегуваат од ова саливе да се чуди човек. Голманов после ова побарал да не го ставаат повеќе на гол.

Арсенал и Тотенхем во неделата го одиграа најдобриот меч во сезоната во Премиер лигата. Градското дерби го добија „топџиите“ со 4:2 после пресврт (беше 1:2), а последниот гол на мечот кој го даде Лукас Тореира беше поведен од маестро Емери.

Синоќа во Франција играа Монпеље и Лил. Гостите славеа 0-1 иако во 80’ минута Монпеље можеше да израмни на неферски начин. Откако домашните навивачи го гаѓале голманот на гостите Мајк Маињан со кеса кикирики, овој ја исфрлил топката во аут за да се пожали кај судијата. Ама овие си ја изведоа ко ништо да не било па Маињан мораше да спасува чист гол.

Ја почна кариерата во Торино во 1996-та кога Мбапе и Донарума не биле родени. Од 2002-ра во Киево се менуваат играчи и тренери, а тој не мрда. Активен е 23 сезони од кои 17 на Бентегоди. Не е славен како Тоти, ама жилав и упорен е како него. Се работи за идолот на навивачите на Киево.

Околностите во кои се наоѓал најдобриот фудбалер на светот за 2018, секого би натерале да крене раце од сè и да се занимава со нешто трето. Но не и Модриќ кој ги издржал сите омаловажувања и потценувања.

Имаме куса компилација од 11 голови која трае помалку од 1 минута. Пола ни се познати, на пола се изнасмеавме. Видеово е циркуз медрано, да не знае човек што попрво да издвои, дали пеналџијата, тој со аутот или цурите од слободен удар.

Најмладиот стрелец во Индија на 16 години се испостави дека нема уствари 16 години. Лага многу добро позната во индискиот фудбал која се има случено и во една Италија.

Откако стигнал до врвот и бил главен оперативец на Монако, Тотенхем и Сампдорија, сите мислеле дека Роберто Печини ќе оди во некој од гигантите, но тој се решава за скромен живот и ги шокира сите со одлуката да стане шеф на скаут служба во едно мало симпатично клупче.

Самостојната тренерска кариера на Стивен Џерард трае околу пола година, но Стиви е неверојатно ладнокрвен на прес конференциите. Како да има 30 години тренерска кариера.

Овие кифли потсетуваат на Фиго и Дел Пјеро, ама вака од место ни за нив, ни за никој не е гол како за добро утро. Внимавајте на Жоване Кабрал, колега на Рики од Спортинг. Има само 20 години и ова му е прва сезона во сениорски фудбал. Го сметаат за африкански дијамант, роден е во Зелет `Рт за кој има само еден настап на пријателска, но скоро аплицирал за португалски пасош со намера да настапува за Португалија. Феноменално изведено.

Го прогласија за најдобар оваа година и сигурно е свесен колку вреди, бидејќи ги собра сите награди, но она што фасцинира е што во сета таа еуфорија создадена околу него, не заборава на другите кои заслужуваат колку него. Модриќ им ја посвети Златната топка на фудбалерите кои не ја добиле, а ја заслужиле, а замислете двајца од тројцата кои ги спомна се фудбалери на најголемиот ривал Барселона, Чави и Иниеста. Каков господин.

Во еден сосема спонтан кварт од милионскиот Рим има фудбалски клуб стар повеќе од 100 години. Повеќе од еден век играат во фудбалското подземје а горди се што за нив играл најголемиот Римјанин во модерната историја.

Треба да имаат 100% обезбедено победа, а со тоа и целосно медиумско внимание, за да се појават, инаку вака излегува дека покажуваат колегијалност нула. Истото важи и за Кристијано Роналдо. Додека течеше церемонијата во Париз, Меси си играше дома со децата, а оној детињастион Нејмар игри играше, како да е прво одделение.

Иако пред месец дена мртва трка за наградата водеа Горан Пандев и голманот на Беневенто, сепак на крај признанието им го лапна оној кој беше прогласен и за најдобар играч на сезоната во Серија А, за што и самиот беше малку зачуден.

Месут Озил сезонава неколку пати пропуштал натпревари на Арсенал поради наводна повреда на грбот. Навивачите едно време мислеле дека така клубот го крие конфликтот меѓу германскиот фудбалер со турско потекло и новиот тренер Унаи Емери.

Лука Модриќ ја прекина доминацијата на Меси и Роналдо. Заслужено бидејќи игра во еден од најголемите клубови во светот, се докажа во таа средина, а во него верувал и еден од најдобрите играчи од среден ред на сите времиња, кој испиша историја како тренер на Реал.

Норвешката фудбалерка Ада Хегерберг синоќа на гала вечерата по повод Златната топка, ги засени сите присутни. Таа ја доби наградата за најдобра фудбалерка на годината.

Во општата трка меѓу неколку градови кои сакаа да го добијат домаќинството на најголемото дерби на светот - на крајот победи Мадрид. Ама сега Аргентинците се жалат дека целава рапсодија околу Суперкласико во Европа е тотално бесмислена.

Квик ’20 е последно пласирана екипа во првенството за вторите „Б“ и младински екипи на Холандија. Познато ви е она Јонг ПСВ, Јонг АЗ Алкмар, Јонг Витесе итн. Епа Јонг Волендам губел 4-3 од последниот Квик ’20 ама на крај голманот ја извадил работата од гол на гол.

За импресивниот начин на игра во среден ред каде царува со топката, секогаш има логично решение и преглед на играта како да е со очи на газот, веќе е повеќе од јасно. Секој што не знае какво детство имал, мора да прочита. Одиме накусо, со неколку факти за Лука Модриќ кои мора да се знаат.

Во изборот за најдобар играч на годината кој ја добива престижната Златна Топка, гласаат меѓународни новинари, селектори и капитени на репрезентациите. Во системот на гласање секој има право да даде три гласа за различни кандидати: доделува по пет бода, по три и по еден бод за финалистите. Еве како гласал извесен новинар Алберт Кумбобако од Централно Африканска Република.

Колку и да мислат дека можеби неговиот циклус на Бернабеу заврши каде тој му даде сè на клубот, сепак нема шанси да не ги пецнало ова. На мечот од ЛШ меѓу Рома и Реал, италијански навивач, наверојатно романист, си играше мајтап со гостите, покажувајќи им ја 7-ца на Јуве.

Интервенцијата на годината ја нема Де Хеа, Тер Штеген или Донарума, туку најверното другарче на овој голман во третата аргентинска лига. Она кое секогаш гледа да го заштити газдата, па дури и кога ќе се изглупира со дегажирање.