Прашање е како англискиот шампион ќе се опорави од страобалната загуба на својот фудбалер Диого Жота. Португалецот 5 години беше неизоставен дел од шампионските екипи на Ливерпул а сега без него нема да биде исто.

На стадионот „Сокер Сити“ во Јоханезбург, во Јужна Африка на 11. јули 2010-та година се одигра големото финале Холандија - Шпанија. Шпанците победија 1-0 со гол на Андрес Иниеста длабоко во продолженијата, на 4 минути пред крајот. Овој златен гол на Шпанија и го донесе првото светско злато во својата историја. Шпанците за првпат станаа светски пргваци.

Леандро Паредес e дете на Бока Јуниорс. Роден е во Буенос Аирес и Бока му е матичен клуб. Од 2015-та замина по белиот свет. Играше за Кјево, Рома, Зенит, Јувентус, ПСЖ и сега после 10 години се враќа дома. Го пречекаа како Марадона на времето. Полни трибини, кореографија, конфети, бакљи...

ФК Вардар успешно ја стартуваше европската авантура во Конференциската лига и славеше сo 3:0 над Ла Фиорита од Сан Марино во 1. квалификациско коло. Стрелци Омерагиќ, Јанкулов и Роџерс Мато. Реваншот е на 17 јули на гости.

Илхан Мансиз е веројатно единствениот фудбалер на планетата кој успеал да му продаде една ваква бразилска финта на најславниот бразилски бек. За работи за мундијалското полуфинале 2002 меѓу Бразил и Турција. Мораше со фаул да му одговори.

„За ова вреди да се плаче. Збогум, Лука“, пишува Марка.

Ѕвездата на Реал Мадрид не можеше да направи ништо во дебаклот кој им го приреди неговиот поранешен клуб ПСЖ кој со 4:0 ги растури во полуфинале на Светско клупско првенство. Парижаните одат во финале каде ги чека Челси. Реал Мадрид оди на одмор. Мбапе пред турнирот во САД закачи гастроентеритис и ослабнал цели 6 килограми. Ама на крајот кога ќе подвлече црта може да е задоволен од сезонава.

ПСЖ дефинитивно е најголема фудбалска сила сезонава во Европа, а му преостана уште Челси за да докаже дека е број 1 и во свет. 4:0 го шинаа Реал. Погледнете што им правеа на кралевите Бредли Баркола и Гонзало Рамос. Како мали деца ги играа.

Во својот 18-ти натпревар во МЛС лигата сезонава (другите имаат по 20 и 21 поради тоа што Интер Мајами играше на Светско клупско првенство), екипата на Лионел Меси со 1-2 на гости го совлада Њу Ингланд и е на 5. место со 35 бода.

Митко Стојковски, 28 настапи и 5 гола за Македонија. Ванчо Мицевски 25 настапи и 8 гола за Македонија. Инаку Митко е роден во Битола, а Ванчо во Скопје. Да ги чуеме.

Европскиот првак е немилосрден и уште еднаш им покажа на големите екипи дека сезонава е најсилен. Му преостана уште само еден тест. Челси.

Во Лацио кам бек прави големо тренерско име, а тоа е Маурицио Сари со кој преклани завршија втори на табела. Но, како што стојат работите, уште не почнат може да ги откачи, како што направи Марсело Биелса.

Душан Влаховиќ очигледно не го исфрли цел потенција во Јуве, кој за него плати 70 милиони евра и го направи најплатен играч во Серија А со 12 милиони евра годишно. Даде 58 гола на 145 средби, а тоа е недоволно кога се носи дресот на најтрофејниот клуб во Италија. Проблемот е што многу промашува чисти шанси за гол, а тоа се гледа во само 1 минутно видео. Договорот му е до следното лето, но Јуве бара начин да се ослободи од него уште веднаш.

Има некои испади на деца за кои човек често не знае како да реагира. Детево имаше толку кретенски екцес што навистина не знаеш што да му кажеш.

Давиде Анчелоти е нов тренер на бразилски Ботафого. Синот на Карло сега конечно се осамостојува и ќе работи независно од татко му, но договорот му е до крајот на 2026-та.

Англија е вековна фудбалска колевка. Ако некаде се почитуваат вредностите и има чест за поранешни клупски играчи и тренери, тоа е во Англија. Така синоќа пред дуелот од полуфиналето на Светско клупско првенство меѓу Челси и Флуминенсе кој заврши 2-0 за тимот од Лондон, луѓе од управата на сините му подариле дрес на нивниот некогашен фудбалер а сега капитен на Флуминенсе, 40-годишниот Тиаго Силва.

Стратегот на Челси пред полуфиналето против Флуминенсе зборуваше дека европските клубови, за разлика од бразилските, на Светското пристигнале под други околности. Челси одиграл 63 меча во текот на сезоната, па го праша новинарот колку одиграле тие? Немаше реплика после одговорот. Се зезна што праша.

Имаме една тазе јака приказна од нашата женска кошарка во младинските селекции, каде кошаркарките во недостиг на дресови, носеле од мажите. На пример на нашава, на која нема да и го откриеме името и се паднал дрес до колена од Гечевски. Не знаеме што е полошо, дали тоа или во прво квалификациско коло од ЛШ, со пенкало да ти пишуваат бројка. Се работи за ТНС од Велс на синоќешниот меч против Шкендија, кој заврши 0:0.

Швајцарија е домаќин на Европско фудбалско првенство за жени. Германките ја елиминираа Данска со 2:1, со гол кој падна после неубава блиска средба на топката со лицето на Ема. Колку несреќна сцена. Им ја додаде за победа, излезе повредена и плус останаа без пласман во нокаут фаза.

23 годишниот бразилски напаѓач имаше деби од соништата за Челси. Постигна два гола за победа на Челси над Флуминенсе од 2:0 и пласман во финале, каде ќе игра со победникот од дуелот Реал - ПСЖ. Жоао Педро не ги славеше головите, бод респект кон клубот каде се калеше и ја почна кариерата.

Налетавме на јак хајлајтс. Германија против Југославија. Меч од Светското 1998. Слободен Сантрач стигна тогаш до осминафинале, а можеше и повеќе, бидејќи имаше банда составена од Михајловиќ, Југовиќ, Станковиќ, Пикси, Мијатовиќ, Савичевиќ, Ковачевиќ, Милошевиќ...Во групна фаза одиграа 2:2 против Германците предводени во напад од Клинсман и Бироф. А водеа 2:0.

Анлгискиот шампион, гигантот од „Енфилд Роуд“ е во длабока тага за својот трагично загубен Диого Жота. Се сеќаваат на него, на неговите дружби, натпревари, голови, песни. Жота за Ливерпул одигра 182 средби, постигна вкупно 65 гола и имаше 26 асистенции.

Воведниот прес на Милан пред подготовките за новата сезона почна скроз опуштено. Прво Алегри се мајтапеше со новинар, а потоа друг новинар правеше некои паралели со трансфер пазарот и албанското трилече поради тоа што новиот спортски директор, Игли Таре е Албанец. Таре на тоа одговори: Ви го препорачувам на сите трилечето, бидејќи е многу вкусно.