Габриеле Гори е фудбалер на плажа, игра за тимот на Вијареџо и за италијанската репрезентација во фудбал на плажа. Голот кој го дал во 5. коло од Серија А меѓу Вијареџо и Катанија е сензација.

Конами продолжува да ги стекнува правата од најголемите светски клубови, со што му нанесува голем удар на најголемиот ривал EA Sports.

Едно е сигурно - ќе гледаме трка меѓу „Сарибол“ и прагматичниот жесток стил на Антонио Конте. За разлика од претходните сезони кога не знаеше кај тера, Интер овојпат делува, макар наизглед, сериозно намерачен да му се испрси на Јувентус.

Тренинг пред големото финале на Светското првенство во Франција. Марсел и Лилијан дискутираат со тренерот на репрезентацијата што сè може да им направи Бразилецот.

Додека сите се журкаат со трансферите и вестите за нови засилувања, навивачите на Арсенал не можат поштено да се израдуваат.

Бразилска фудбалска лига, корнер, топката по центаршутот во еден момент сама отскокнува во воздух.

Во финалето на Светското 1970-та во Мексико Сити, на стадионот „Ацтека“ пред 107.000 гледачи, Бразил со 4-1 ја згромува Италија. Резултатот го отвора Пеле, а го затвора Карлос Алберто после една типична самба акција.

Алжир тивко го почна Африканскиот Куп, но како одминува турнирот, ги победија сите противници и стигнаа до финалето. Славјето на овој успех донесе хаос на улиците во Франција.

Некогаш го гледаме од најдобрите фудбалери на денешницата, а некогаш и од анонимни играчи од различни континенти. Дриблинг после кој се држат за глава сите присутни на трибините.

Тренер од светски познатата академија Ла Масиа, призна дека најголемата грешка им била што го пуштиле малиот Такефусо Кубо да замине од Барселона. А летово Реал Мадрид го грабна Јапонецот и тој веќе ги забавува соиграчите на тренинзите.

На 13 јули, српскиот тренер кој ја спаси Болоња од испаѓање, соопшти дека боледува од леукемија, после што му стигнаа илјадници пораки од сите страни со желба за поскоро оздравување.

Африканскиот Куп на Нации мораше да стигне до полуфинале за да се нагледаме голови, акции, шанси, пречки, стативи, пенали. Алжир ја совлада Нигерија со 2-1 со страшен гол на Ријад Марез во судиското продолжение (90+5 минута) и фрли во еуфорија милиони Алжирци во земјата и странство (читај Франција).

Додека Фенербахче и Наполи наводно се тегнат околу сумата за него, бидејќи Италијанците нуделе 15, а Турците бараат 20 милиони, Елмас шутира тројки од паркинг. Како велат старите, убаво е човек да знае и втор занает.

За детево велат дека од овој момент играло фудбал само на еден начин. На Сони.

По долга дводецениска кариера, двометрашот вчера потврди дека се повлекува од фудбалот. Тоа е за пофалба бидејќи играше на позиција напаѓач до 38 години.

Бугарскиот напаѓач се мести во шеснасетник да ја збрца по изведен слободен удар на Роналдо, ама пола гол е на Немања кој му кажал на српски дека ќе му прави блог, за никој да не ги разбере. Договор е повеќе од успешен.

После 467 меча во Премиер лига со 108 гола и 58 асистенции, харизматичниот Питер Крауч (38) кој забележа 42 настапи за Англија со 22 гола, денес објави дека ја завршува својата фудбалска кариера.

Лига Европа е ситна риба во однос на Лига на шампиони. Фондот за тоа натпреварување е четири пати послаб од најелитниот. Едно реми да изиграш во ЛШ и во клупска каса ти легнуваат 900.000 евра. Годишен буџет за еден македонски клуб. Од прилика.

Додека мајсторите одмораат со ладно пиво, главниот проектант си игра со багеристот.

Македонскиот репрезентативец се врати на подготовки во Леванте за да се спрема за сезоната број 3 во шпанското првенство. На пик го фати новинарот со кој тераше малку мајтап.

Рами Бенсебаини од Алжир дефинитивно заслужува дебела суспензија бидејќи оваа снимка е срамна за сите пари. Му ја зема раката на Заха да се поудира по фаца и потоа падна ко покосен како да го тепале со боксови. Е не сме виделе вакво нешто до сега. Инаку Алжир го доби четвртфиналето против Брегот на Слоновата Коска на пенали.

Априлска вечер во Москва. Интер игра против Спартак на стадионот на Динамо. Во составот Паљука, Бергоми, Занети, Симеоне, Заморано, Роналдо... Бразилецот на буквално земјен терен играше самба со топката.

Во исчекување на новите засилувања меѓу кои се споменуваат нашиот Елмас, Хамес Родригез и Ирвинг Лозано, фудбалерите на Наполи тренираат под надзор на Карло Анчелоти. Имаа забавна игра на тренинг.