Добро де не го спаси директно, ама помогна, а тоа се случува трет пат во рок од два месеци. Браво за иницијативата на Рома. Летово направија одлично дело.

Не е воопшто наивно кога оваа натприродна катастрофа ќе удри наеднаш, бидејќи не знаеш каде и кога може тоа да се случи. Среќа ова во Јамајка заврши без жртви, туку само со четворица повредени кои завршија во болница. Лани во Јужна Африка настрада 21 годишен фудбалер откако два месеци беше во кома. Заебано.

Мајко мила колку е ова лошо, комично, нестварно и незамисливо. Ќе си почине од мака човеков. Па да можевме да ги собереме сите видеа од 19-ти век кога почнал да се игра фудбалот во Англија, па до сега, нема да најдеме ваков автогол.

Откако неговата резерва во репрезентацијата, Марк-Андре Тер Штеген отворено праша како е можно да брани редовно и добро во Барселона, а во Германија да биде резерва, Мануел Ноер му одговори на гостувањето против Лајпциг (1:1).

Тешки времиња носат и тешко бреме, па така омилениот клуб на рударите од градот со најмногу јаглен во Германија, морал да помине низ најмачниот период во историјата на земјата.

Нејмар имаше страшно добар кам бек во дресот на ПСЖ, бидејќи во 92-ра минута на 0:0 постигна еврогол со кој го реши мечот. Но на трибини имаше транспаренти кои не се читање, како и скандирање против него, бидејќи летово со сите сили работеше на случајот да се врати во Барса. И покрај целиот атак против него, како и паузата поради повреда, погледне како им игра еден на еден.

Додека социјалните мрежи на ФК Осогово растураат, оние кои треба најмногу да запнат на теренот, не знаат што е тоа освоен бод. Па така и админот им се намести на пенал на противниците.

Колку што Синиша Михајловиќ и болен се дава за своите играчи, толку и тие се даваат за него. Направија херојски пресврт после еден негов телефонски повик на полувреме, а потоа му се исправија пред болница. Какви сцени се ова.

Лучано Пасирани, возрасен човек, децениски спортски новинар во Италија. По почетниот скандал во Каљари каде гомила идиоти му „букаа“ на Лукаку со мајмунски крици, се крена голема врева во Италија. Таман се стиши, сега се појави овој стар морон кој во студио почна на сите ѕвона да го фали Белгиецот Ромелу Лукаку дека е најдобро засилување во Серија А, дека не видел таков играч во Италија досега, и во еден момент (34-та секунда) рече: „Еден на еден те убива, те убива. Ти требаат десет банани за да го сопреш, толку е добар“.

Неговиот ЛА Галакси со 7-2 го поништи Спортинг Канзас Сити и во моментов е на 5. место на табелата од Западна конференција кое води во плејофот. Ибра броеше до три и постави нов клупски рекорд со 25 гола во една сезона. Во моментов прв стрелец во МЛС е Карлос Вела со 28 погодоци.

Британскиот новинар Пирс Морган му правеше интервју на Португалецот на кое му покажа снимка од татко му како зборува за својот син во пресрет на ЕП 2004. Снимка која го погоди Роналдо бидејќи никогаш не ја видел.

Дуван Запата е дечкото кој минатата сезона заврши како втор стрелец во Серија А, со 3 гола помалку од лидерот Кваљарела и 2 повеќе од Роналдо. Напаѓачот на Аталанта направи растур систем. Погледнете му го овој ладнокрвен и убиствен удар во финишот против Џенова онаму каде што не се брани.

Алексис Вега е млад 21 годишен напаѓач кој викендов во Мексико постигна страшен гол од далечина. Тоа се во ред, но што му беше поентава со ова второво? Оди во Премиер лига напрај го ова. Ќе те има на 1.000 насловни, ќе те зборат и по 20 години и ќе те казнат многу натпревари.

ФК Осогово денеска во 15 часот му гостува на ФК Кит-Го Пехчево. По 3 изминати кола Осогово има 0 бодови, а Пехчево 2. Битката веќе е почната на Твитер, а се знае кои се протагонисти.

Ваква критика да читаш за македонски репрезентативец кој има само 19 години и тоа за клуб кој со сите сили се обидува да го симне од тронот Јуве, значи дека треба да бидеме горди и сигурни дека после Пандев ќе има кој да се грижи за Македонија.

Повредениот Лионел Меси вчера можеше да си ја гледа Барса мирен и спокоен, бидејќи ај што ја потепаа Валенсија со 5:2 без него, туку и покажаа каква иднина создаваат во славната Ла Масија. Погледнете што правеше детево.

„Ќе ти дадеме 20 милиони евра да се вратиш кај Меси. Не ни требаат курви во Париз“. „Нејмар Сениор, можеш да го продадеш син ти во Вила Мимос“. (Област во Рио позната по проституција).

Се вика Доменико Берарди, има постигнато 58 гола во Серија А, сите за Сасуоло и е само еден од четворицата фудбалери родени после 94-та, кој има постигнато минимум 50 гола во топ 5 лигите. Другите тројца се Мбапе, Вернер и Стерлинг. Во оваа конкуренција е лидер со 5 хет-трикови.

Бразилскиот репрезентативен лев бек Алекс Сандро важи за еден од поскромните фудбалски ѕвезди на денешницата. Заработува пари за генерации и генерации, ама никогаш не заборава од каде потекнува.

Освен некој формален извештај и по некој „груб“ збор во полу-празна сала на ООН и ФИФА, светот не знае ништо за средовековните забрани и казни во Иран каде се самозапалли најпознатата активистка за правата и слободите на жените.

Ни новинар може да излезе на крај со него, ни играч да добие дуел, а уште помалку навивач туку така да слезе на терен и да му го земе дресот. Буквално е антачбл.

Бразил vs Австралија за играчи до 17 години. Многу ќе треба да го тешат детево за да не изгуби самодоверба во иднина.

И покрај тоа што на клубот од Местаља првпат после 11 години му донесе вреден пехар, и покрај тоа што две години по ред ги внесува во Лига на шампиони во пеколна конкуренција, тренерот Марселино доби шут-карта.

Арсенал го направи славен играч, таму постигна најмногу голови во кариерата, но тој реши не да ги изнервира, туку речиси да ги плукне в лице, а старите велат дека во старо буре не се плука. Ако ја гледаме и другата страна, се разбира дека и навивачите реагираа крајно простачки.