Не знаеме што сте типувале синоќа во ЛШ, ама паралелно и на двете средби во финишот беше драма и за влакно не се случи пеналите да бидат и на другиот или само на другиот дуел. Родриго Рикелме пропушти чиста шанса да го реши Интер во регуларните 90 минути, а Лук де Јонг, една минута пред да прими ПСВ втор гол ја имаше шансата за 1:1, резултат што ќе знаеше продолженија.

Во натпревар од 28. коло на англиската Премиер лига, кој секако остана во трет, четврти план поради натпреварите од Лига на шампиони синоќа, се случил еден од најлудите пресврти во англискиот фудбал. Борнмут и Лутон Таун режирале спектакл.

Атлетико Мадрид и Интер режираа страшен ролеркостер кој траеше 120 минути и плус пенали. Драма. На крајот шпанскиот состав оди во четвртфинале по триумфот на пенали. Диего Чоло Симеоне после мечот се расплака од среќа.

Лионел Меси дури четири пати го креваше трофејот во европската Лига на шампиони а сега со неговите другари од славната генерација на Барселона, Суарез, Бускетц и Жорди Алба планираат и да слават во Купот на шампионите за Северна и Централна Америка.

Коментаторот вели дека ова е одбрана на сезоната, ама нејасно е за која зборува, бидејќи овде гледаме вкупно четири од кои три на голманот. Да не постоеше, требаше да го измислиме крајот на акцијава. Замисли ова да го гледаш во живо и да чекаш гол за добивка?

Така некако си поигра Санчо со својот чувар. Брзопотезно со еден потег го исфрли од игра.

TNT Sports Brasil објави видео, за жал само од изведувањето на промашените пенали на Интер. Токму на местото каде се става топката, веројатно има мала празнина во тревната подлога и пред секое изведување, поточно пред самиот удар, кога играчот со едната нога гази врз тревата, таа се подигнува малку. Најмалку тоа се случува со Алексис Санчез, а најмногу кај Лаутаро Мартинез кој ја дува над гол и веднаш погледнува збунето надолу.

Легендарниот Лилиан Турам кој направи голема кариера и стана светски и европски првак со Франција, треба да си го преваспита син му Маркус. Стефан Савиќ ова му го прости синоќа, па дури и на смеа ја истераа работата, ама ваква глупост не би му прошла кај секој.

И покрај тоа што Интер замина со предност во Мадрид и поведе во 33 минута со голот на Ди Марко, се простува во осминафиналната фаза од ЛШ. Гризман и Депај го свртеа мечот на 2:1, а потоа момците на Симеоне беа подобри од белата точка со 3:2. Облак им фати два пенали на Санчез и Класен, а Лаутаро Мартинез ја опали над гол. Борусија го совлада ПСВ со 2:0.

Бандата на Ал Хилал предводена од Милинковиќ, Митровиќ, Кулибали и компанија го совлада Ал Итихад и се пласираше во полуфиналето од азиската ЛШ. Фудбалерите на најдобриот саудиски тим стигнаа до неверојатна сероја од 28 победи по ред на официјални натпревари, што е светски рекорд. Во соблекувална се славеше во ритам, кој најдобро го држеше Митрогол.

На јако ретро налетавме по повод празникот кој се вика спортска среда тоест ЛШ. Се работи за страшниот состав на Милан од 2007-ма кога во полуфинале ќе го елиминираат Манчестер Јунајтед, а потоа и ќе ја освојат седмата европска титула. Дида го пронаоѓа Кака од кој паѓаат три жртви. Прв го загуби дуелот Флечер, потоа Хајнце, за на крај Евра да го разнесе Хајнце, а Кака смирено да ја смести во гол. Незаборавен слалом на Бразилецот.

Сезоната е 2005/2006 кога силниот Арсенал го загуби финалето од уште посилната Барселона. Роналдињо заврши како втор стрелец со 7 гола, два помалку од Шевченко. Во време кога овој човек беше незадржлив и играше во животна форма делеше асистенции од ваков тип. Инаку мечот е од групна фаза против Вердер Бремен.

Светската фудбалска јавност беше збунета кога при претставување на составите пред мечот Барселона - Наполи во центарот на одбраната на домашните се појави името Пау Кубарси. Многумина помислиле и дека е некоја грешка од режија.

Нова интересна епизода од стручните коментатори на Си-Би-Ес. За време на последниот пенал на Бразилецот Галено од Порто, Анри станува од своето место и ја напушта просторијата со коментар: „Не ми делува сигурен, ќе промаши, ќе промаши“. И голманот на Арсенал Давид Раја му го одбрани пеналот.

Арсенал и Порто одиграа драматичен реванш во 1/8 финале на Лига на шампиони. „Топџиите“ надоместија гол негатива од првиот дуел и натпреварот после продолженија отиде на пенали. Во првото продолжение Хаверц силеџиски го турна гостинскиот тренер Серџо Консеисао па имаше среќа што овој изреагира смирено.

Карлсруе го елиминираа во 91-ва, Баерн во 96-та, Борусија Менхенгладбах во 93-та минута. Најскапиот играч им вреди 700.000 евра. Што третолигаш ќе беше ова?

Кога кај нас ќе се спомне гол од корнер, веднаш се мисли на Артим Шаќири кој стана асоцијација. Истото и успеа и на Наташа Андонова. Пред една недела Вардар го доби Работнички токму со гол од корнер, дело на Дарко Глишиќ. Ама не паметиме на некој да му успеало вакво нешто два пати на ист натпревар. Лука Аџиќ од Чукарички против Спартак Суботица погоди на прва, а потоа и на втора статива. Неверојатно.

Фудбалерите на Арсенал после цели 14 години се пласираа во четвртфинале на Лига на шампиони што е прав подвиг за „топџиите“ за што после пенал драмата со Порто зборуваше и тренерот Микел Артета. Во Барселона Каталонците благодарение на одличната игра одат во следна фаза по убедливиот триумф над Наполи.

Скоро секој втор ден некој легендарен фудбалер одговара на прашање кои се неговите најдобри 11, ама оние кои ги избра „Феноменот“ Роналдо се дефинитивно најдобри во историјата на своите позиции.

Супер натпревар со четири гола во втората холандска лига одиграле Ден Хаг и Дордехт. Гостите воделе 0-2 до 32’ минута а домашните прво намалиле на 1-2 во 41-ва минута, па во 54-та преку Дарил ван Минем израмниле 2-2 со прекрасен погодок под пола терен.

На меч меѓу Атлетико Атланта и Химнасија и Тиро во втора аргентинска лига, топката во еден момент по изведен слободен удар удира во внатрешниот дел од мрежата, но се одбива од заштитната шипка и излегува надвор. Судијата ја продолжува играта, гол нема. Домашниот тренер се буни и добива црвен картон. Мечот завршил 1-1 со вкупно 4 црвени картони, два на терен и два надвор од терен.

Прославениот ас кој направи светска трофејна кариера како фудбалер на Црвена звезда и Милан, веќе дваесетина години раководи со Црногорскиот фудбалски сојуз. И таму нормално има жестоки критичари од кои голем е поранешен малку познат фудбалер Дејан Пековиќ - Џаја. Пековиќ му аргументирал на Савичевиќ дека слабо го води сојузот на што „Геније“ испровоциран почнал да вика.

Тешко се наоѓа саглам човек меѓу претседателите во Серија А. Дел од нив се полни со афери за малверзации, други се однесуваат циркузантски и несоодветно со оглед на позицијата која ја имаат, трети покажуваат силеџиски манири пред камери.

Се работи за првата сезона на Кристијано во Јувентус, 2018/2019, онаа кога Ајакс беше неверојатен и за влакно не стигна до финале во ЛШ. Со поразот од 2:0 од Атлетико Мадрид во осминафинале, Јувентус на реваншот имаше зезнат резултат, против тврд противник за што беа потребни 3:0 за елиминација. Одговорот го имаше Кристијано Роналдо со голови во 27', 48' и 86' минута токму против неговиот градски ривал од Мадрид, за делириум на Алијанц.