Аталанта игра страшен фудбал. Во синоќешната луда голеада во Лига на шампиони каде имаше две петки, три шестки и една седмица, екипата од Бергамо го згроми швајцарски Јанг Бојс со 1-6. Играч на вечерта во ЛШ беше Белгиецот Шарл Де Кетеларе кој постигна 2 гола а имаше и 3 асистенции. Најубав гол на мечот даде Лазар Самарџиќ кој влезе од клупата за резерви.

Тренерот на Манчестер Сити Пеп Гвардиола никогаш во тренерската кариера не се соочил со ваква резултатска криза како периодов. Англискиот шампион влезе во длабока криза со дури 5 порази и 1 нерешен резултат на последните 6 меча по ред. Сити имаше лагодно водство од 3-0 против Феенорд во Лига на шампиони но по катастрофални грешки на играчите прими 3 гола за 14 минути во финишот и испушти 2 златни бода кои може да го чинат понатамошен пласман.

Во првата вечер од 5. коло во Лига на шампиони, Баерн Минхен минимално го совлада ПСЖ во дербито на вечерта, а Атлетико Мадрид, Арсенал и Аталанта ги распарчија Спарта Прага, Спортинг и Јанг Бојс. Манчестер Сити после пет порази во низа, вечерва прими 3 гола од Феенорд на свој терен.

Ако некој реши да се жени во погрешен термин, односно кога тимот му игра дерби, има решение, барем за времето додека се сече тортата.

Култниот италијански шпиц-разбивач Фабрицио Миколи во кариерата играше за дури 9 разни клуба, даваше голови за Јувентус и Бенфика во Лига на шампиони, блескаше во Серија А а на крајот заврши на Малта во клубот Биркиркара. Најпознат беше како капитен на Палермо. Беше и зад решетки.

Фудбалерите на Ал Насср славеа убедливо со 1-3 на гости во Катар кај Ал Гарафа во натпревар од 4. коло на Западната регија од азиската Лига на шампиони. Кристијано Роналдо беше играч на мечот со два комада во 46-та и 64-та минута а гол за неговиот тим даде и Анжело во 58-ма минута.

Комо загуби дома од Фиорентина 0:2, а најјакиот дриблинг на мечот и општо ова коло во Серија А е оној на Нико Паз, кој со еден потег исфрли двајца играчи од игра. Аргентинецот има 20 години, а инаку го донесоа од Реал Мадрид. Фабрегас очигледно има голм адут во тимот. 

Претседателот на Реал Мадрид, Флорентино Перез уште еднаш крена глас против сè понатрупаниот календар во фудбалот. Тој изнесе и интересен податок дека на 21 година Џуд Белингем, актуелната ѕвезда на Реал веќе одиграл 254 натпревари додека на времето славниот Дејвид Бекам на 21 година имал 54 натпревари во сезона и далеку многу повеќе време за одмор и релаксација. „После се повредувале, па ќе се повредуваат“, вели Перез.

Њукасл загуби дома од Вест Хем 0:2. Натпревар кој ќе се памети по скектакуларната и моќна кореографија на домашните навивачи во чест на Александер Исак.

Навивачите на Цирих не оставаат ништо на случајот. Им се гледа фудбал по секоја цена.

Клипов го гледавме повеќе пати, затоа што на прва збунува, иако и понатаму може ќе останете со по некој прашалник. Овие 10 секунди се случуваат сега и повеќе никогаш во ниту еден спорт. Тој што паѓа се вика Мухамедкарим Тоиров, а клубот е ФК Андијан. И тоа се работи за прва лига.

Македонскиот центарфор ја одигра најдобрата партија откако стапна во елитната шпанска лига и тоа му донесе многу висока оценка и место во топ 11.

Бохемианс - Дукла Прага, прва чешка лига. Среќа што снимката трае 25 секунди, инаку да е 2 минути, глава ќе ве фркне. Јохан Кројф во гроб се превртува.

Давид Де Хеа ја ужива во Италија својата втора младост. Не дека е престарен за голман, 34 има, но Манчестер Јунајтед го отпиша, очигледно превдреме. Во Серија А брани како луд. Комо - Фиорентина 0:2. Нова, по кој знае јака негова одбрана сезонава, овој пат тројна.

Томазо Побега е фудбалер на Болоња позајмен од Милан. Болоња играше во неделата вечер против Лацио на гости на „Олимпико“. Во 23-та минута при резултат 0-0, Побега добива глуп жолт картон, непотребен. Во 35-та минута не на своја половина, не на средина од терен, не во свој шеснаесетник, туку далеку во полето на Лацио го прави најглупиот фаул во историјата на фаулите со две нозе и добива втор жолт и црвен картон. Лацио со играч повеќе ја декласираше Болоња со 3-0.

На 19 години, ретко кој вака си поигрувал со противниците во дрес на Реал Мадрид. Арда Ѓулер ја игра втората сезона на Бернабеу. Лани беше одличен со 12 настапи и 6 гола, а оваа сезона веќе има 13 натпревари. Се чека првиот негов гол. Детево е иднината на Турција и Реал.

Дечкото се вика Давид Исмаил и игра за Универзитетот Вермонт во САД. Привилегија е барем еднаш во кариера да ти успее вакво нешто во сред игра.

Реал Мадрид славеше убедлива победа 0:3 на гости кај Леганес. Стрелци на головите беа Килијан Мбапе во 43' минута, Федерико Валверде во 66-та минута и Џуд Белингем во 85-та минута. Дваесет и четири годишниот Винисиус Жуниор не постигна гол ама затоа пак се изглупира со непотребна глума.

Неполн месец откако ги даде првите два гола во дресот на Жирона во Куп натпревар, Бојан Миовски конечно ја начна мрежата и во шпанското првенство.

Во 12. коло од Премиер лига, дербито меѓу Манчестер Сити и Тотенхем на „Етихад“ го отворија гостите во 12-та минута со гол на Џејмс Медисон. Спарс долго време се тврд орев за Манчестер Сити откако Пеп Гвардиола ги води а асистенцијата за голот на англискиот репрезентативец беше сјајно дело на Дејан Кулушевски.

Новиот тренер на Манчестер Јунајтед кој на клупата ќе го наследи в.д. тренерот Руд ван Нистелрој за првпат зборувал во опширно интервју и одговарал на сите прашања од легендарниот капитен на тимот, Гери Невил кој веќе неколку години е стручен коментатор.

Атмосферата на натпреварите на Бока Јуниорс е веројатно најјаката на планетава и тоа го докажале со безброј видеа. Но некои места на Ла Бомбонера пет пари не вредат. Го реновираа стадионот неколку пати, но далеку се од конечно решение и од визуелен и од безбедносен аспект. Колку ли плаќаат навивачите за ваквите чудни места?

На денешната пладневна ждрепка во Нион беа извлечени паровите за завршницата како и за опстанокот во групите во Лига на нации.

Урош Ѓурѓевиќ има 30 години а има необична кариера. Роден е во Белград, настапува за репрезентациајта на Црна Гора од 2021-ва година. Потекнува од школата на Црвена Звезда а едно време стана најдобар стрелец на Партизан. После играше и во Олимпијакос а најдолго се задржа во шпански Спортинг Хихон. Од летово од јули е во мексикански Атлас.