Турска сцена која ретко се случува, а тоа е да помине славно име, кој ги носел дресовите на Реал, Атлетико, Челси, Јувентус, Милан и навивачите да не го препознаат. Инаку Алваро Мората беше еден од стрелците на Галатасарај кој триумфираше во Купот против Болуспор на гости 1:4.

Валенсија, која е претпоследна на табела во Ла Лига, доживеа нов дебакл од Барселона (0:5) и во Купот каде ги завршува настапите во четвртфинале. Домаќините се распаднаа по само половина час игра кога на семафорот стоеше 0:4. Дел од навивачите го напуштија стадионот уште во 23 минута. Лоша вечер на Столе Димитриевски кој доби шанса во стартната постава.

Италијански репортер зборува на тема трансфери, а во фокусот е Алехандро Пато кога во 2016-та замина во Челси. Тоа се тие ризици кога човек се јавува во живо. Иако и другиот не е безбеден.

Њукасл и тренерот Еди Хау стануваат права енигма за Арсенал и Микел Артета. Сезонава ги добија дури три пати од кои два пати по 2:0 во Лига Купот. Англискиот репрезентативец Деклан Рајс синоќа ја продолжи битката со Бруно Гимараеш а по еден груб старт за картон, судијата не покажал ништо.

Ќе речеш глупа спортска среда со Куп натпревари, а тоа еден куп возбудувања, пресврти, голчишта. Кан и Див одиграа спектакуларен натпревар во Купот на Франција кој заврши 5:3. Фудбалер на домаќините по име Жулиен Домингес, се чудеше на сопствената мајсторија.

За прв во историјата на меч од Купот на Германија, судијата јасно и гласно соопшти ВАР одлука која можеа да ја слушнат сите. И тоа во 113 минута на мечот Баер Леверкузен - Келн при резултат 3:2. Нема гол за гостите, офсајд е, домаќините може да здивнат.

20 годишниот Гонзало Гарсија го одигра третиот натпревар во дресот на Реал Мадрид. Два му се од минатата сезона во Ла Лига, а овој му е прв во Купот кој ќе го памети до крајот на животот. На гостувањето против Леганес при резултат 2:2, ја смести топката во гол и со тоа го однесе својот тим во полуфиналето.

Фудбалерите на Милан ја победија Рома 3:1 и се пласираа во полуфинале на Купот на Италија. Натпреварот го реши Тејму Абрахам со два гола, во 16' и 42' минута кога беше 2-0 за Милан а двата гола ги даде на асистенции на Тео Ернандез. Артјем Довбик ја врати Рома во игра во 54-та минута но во 72-ра нововлезениот Жоао Феликс постигна гол на дебито за Милан на асистенција на исто новодојдениот Мексиканец Сантијаго Хименез.

Осумнаесет годишниот Христос Музакитис го реши најголемото грчко дерби Олимпијакос - Панатинаикос во четвртфиналето на грчкиот Куп. Првиот меч на стадионот на ПАО заврши 1-1 а синоќа на реваншот немаше голови сè до 90+4' минута кога малиот Музакитис со прекрасен еврогол го однесе Олимпијакос во полуфинале.

А да си фатиш самба со време?

Њукасл по трет пат го совладува силниот Арсенал кој пред само неколку дена со 5-1 го згроми Манчестер Сити. Сега во полуфинале од Лига Купот на Англија Њукасл пред своите навивачи славеше со ист резултат 2-0 како и на првиот меч во Лондон на „Емирати“ кога беше 0-2. Њукасл поведе во 19' минута преку Марфи а нивниот најдобар играч сезонава Гордон постигна гол за 2-0 во 27-ма минута.

Не знаеме дали на Твитер потсетуваат на клипов поради денешниот роденден на Роналдо или пак сакаат да се надоврзат на неговото вчерашно интервју за шпанските медиуми.

Лепота од видео ни застана на патот на социјалните мрежи. Се слави на големо, се пука шампањ, се скандира шампиони, шампиони. Тренер Андон Дончевски (најдобар стрелец во историјата на Вардар). Ги гушка негови помошници, уште двајца легенди на клубот, Кочо Димитровски (најмногу настапи во историјата на Вардар) и Методија Спасовски (втор најдобар стрелец). Каков носталгичен клип.

Болоња ја совлата незгодната Аталанта на гости со 0:1 и со тоа обезбеди пласман во полуфиналето од Купот на Италија по пауза од 26 години. Навивачите се во транс, со лименки пиво го пречекаа тренерот Винченцо Италиано. Во битката вредна пласман во финале ќе се борат со подобриот од дуелот Јувентус - Емполи.

Романската фудбалска икона е родена на 5 февруари 1965-та. Волшебник со топката, најјак играч во историјата на своја земја. Крупен, кавгаџија, бунтовник, горд. Но каде и да играше му даваше убавина на фудбалот. Од Реал Мадрид, па до Бреша.

Атлетико Мадрид го торпедираше Хетафе со 5:0 во Купот, ама затоа во сабота го чека мега тежок дуел против градскиот ривал Реал Мадрид на гости. Го прашаа Симеоне како ќе им игра? Како и секогаш, ќе го паркираме автобусот, рече Диего и се здроби од смеење.

Николас Муци од Грасхоперс треба да биде најсреќен што негов соиграч промаши пенал. Инаку немаше да му се случи можеби голот на кариерата. Погледнете ја оваа акробација на само 21 година.

Во натпревар од 7. коло на азиската Лига на шампиони, Ал Наср со 4-0 го совладал Ал Васл. Кристијано Роналдо дал два гола, во 44-та и во 78-ма минута. Со тоа стигна до бројката од 923 погодоци на официјални натпревари. Најдобар стрелец е во историјата на репрезентативниот фудбал (135 гола), најдобар стрелец во историјата на Лига на шампиони (140 гола), најдобар стрелец во историјата на Реал Мадрид (450 гола).

Некогашниот двократен европски шампион, Нотингем Форест кој предводен од легендарниот Брајан Клоф станал најголема сензација на крајот од седумдесетите и почеток на осумдесетите години, сега повторно прави навивачите да сонуваат. Нотингем Форест после години и години во втора и трета лига, конечно фати ред.

Па уште еден од нив го бакна во рамо.

Во швајцарската Супер лига после 21 коло прв е Лугано со 38 бода, втор е Базел со 37, трет Луцерн со 36 а четврти Сервет со 32. До крајот ќе има голема борба за титулата. Минатиот викенд Цирих го пречекал Базел во дербито на колото кое гостите го добиле 0-1. Домашните навивачи направиле супер досетлива кореографија.

Во три децении следење фудбал, не сме чуле и виделе некој играч до толку да е опседнат со себе. Неверојатно нарцисоиден лик, од коцките на стомакот до головите и успесите. Си се самопрогласи за број 1 :). Каква величествена скромност.

Во последните мигови од зимскиот трансфер преоден рок, англискиот шампион Манчестер Сити беше најактивен од сите клубови во европските топ5 лиги.

Барселона во неделата едвај го совлада Алавес 1-0 со гол на Роберт Левандовски во 61' минута и ја продолжи трката за врвот. Сега Барса е трета со 45 бода, Атлетико Мадрид втор со 48 а прв е Реал Мадрид со 49 бода. Сите имаат одиграни по 22 натпревари. На овој дуел со Алавес Гави заработил силен удар во глава после што малку како да се подзагубил па докторите го прашувале кој ден е и колку е саат.