И да сте подзаборавиле на него е нормално затоа што веќе 10 години како не е дел од европскиот фудбал. Смени неколку арапски екипи, а од лани е на своја почва во чилеанскиот прволигаш Палестино. На 36 години се отвори со ножички, а во истата акција претходно за влакно испушти чудесија од гол.

Му рипна цедето на Диџејот а?

Управниот одбор на ФФМ го потврди новиот договор со селекторот на македонската репрезентација, Игор Ангеловски кој сосема заслужено ќе ја води на дебитантското Европско првенство.

Египет синоќа домаќински со 35 комада и победа над Чиле од +6 го отвори 27-то Светско ракометно првенство. Но голот на мечот го постигна еден од поразените играчи со магија каква што обично гледаме во Јане Сандански.

Се случува човек да утне шифра на сметка за струја, за вода, за телефон, ама да опнеш 11 милиони евра на туѓа сметка ѝ успеало само на управата на Лацио.

По разни перипетии, шпанската Ла Лига го организираше Фајнал Форот на Супер Купот, со тоа што лани премиерното издание се играше во Саудиска Арабија а годинава дома. Во првото полуфинале Барселона на пенали го победи Реал Сосиедад откако претходно благодарение на Тер Штеген мечот заврши 1:1.

Европскиот првак и германски шампион Баерн Минхен синоќа сензационално изгуби од второлигашот Холштајн Кил на пенали откако мечот претходно заврши 2-2.

Името на оваа екипа сигурно ви е асоцијација за ракомет, спорт во кој два дена пред нова година станаа европски прваци. Синоќа во фудбал го елиминираа Баерн Минхен на кој последен пат му се случило да испадне во второ коло од Купот на Германија во сезоната 2000/2001.

Диего за Наполи даде 115 погодоци, а еден од поубавите му беше против Фиорентина во сезоната 1984/1985. Голот (втор на видеото) бил единствен на мечот во Фиренца и победнички за Наполитанците.

Не е дека кардинални грешки има само по фудбалските ливади во нашиов регион. Кој игра и греши. Така и во најдобрата германска фудбалска лига има смешни киксови. Фали само уште музиката од Бени Хил во позадина за циркузот да биде поголем.

Остави белег во јавноста како пргав играч кој често влегуваше во кавги, а еднаш се случи противничкиот тренер да го фати за гуша. Темпераментен е и како тренер, но Рино мора да го знаете пред сè како човек.

Не дека Бенфика синоќа имаше проблеми на Куп натпреварот на гости против третолигаш кој го доби со 0:4, ама сепак ова се дава со заврзани очи. Плус Лука Валдшмид е репрезентативец на Германија.

Го знаете ли вие Чиприан Татарушану кој Милан го купи сезонава од Лион за 500.000 евра? Замена му е на Донарума и ретко е меѓу стативите, а синоќа против Торино во Куп беше лабав по една корна со една рака.

Манчестер Јунајтед со евроголот на Погба го победи Барнли 0-1 на „Тафт Мур“ и со три бода го прескокна Ливерпул на првото место на табелата во Премиер лига пред големото нивно дерби во недела од 17:30 на „Енфилд“.

Милан е првиот четвртфиналист во Купот на Италија откако вечерва на пенали 5:4 го совлада Торино. После 120 минути фудбал резултатот беше 0:0, па се прејде на пенали. Погодија сите освен Ринкон на кого Татарушану му го одбрани шутот. А погледнете го пеналот на Вања Милинковиќ-Савиќ, брат му на Сергеј од Лацио. Од бес ја искина мрежата.

Го прашуваат Жозе што мисли за изјавата на Озил дека попрво би отишол во пензија отколку да потпише за Тотенхем, по што следуваше класична Мурињо реплика со плескање во фаца. Озил сам не знае кај тера, со Мурињо ќе сади краставици.

По неизвесноста која почна на крајот на претходната и продолжи на стартот на оваа година, човекот кој ја испиша историјата со македонската фудбалска репрезентација конечно добил понуда да ја води и на Европско.

Сите најважни топки во легендарната Црвена Звезда во Купот на шампиони во 91-ва минуваа од стапалата на Просинечки. Пушеше по 2-3 кутии на ден, ама трчаше по 12-13 километри на натпревар.

Ги имаме сумите за опстанок, излез во Европа и за шампион, а ќе ви ги каже најадекватната личност за таа тема. Чисто за помладите, една марка беше околу 30 денари.

Да го направиш мајмум еден од најдобрите и најбрзи бекови во светот е привилегија, а тоа му успеа на легендарниот Георге Хаџи кога пред 20 години се сретнаа во финалето на Купот на Европа. Го доби Галатасарај 2:1 со гол во 103-та минута.

Сите фудбалери на Атлетико Мадрид поседуваат модерни џипови кои клубот им ги обезбедил. Ама ни тоа не помогнало во јаките снегови кои го зафатија Мадрид, па белгиската ѕвезда Фереира Караско прифатил совет од комшијата.

На 24 јуни 1992-ра во Виена, градот на легендарните композитори Бетовен и Брамс, град каде класичната музика е речиси религија, е роден Давид Алаба.

Според ова видео може да се утврди кој вика по играчите најмногу од клупа. Слушнете ги гласовите на тренерите на Наполи и Лацио после гостувањата против Удинезе и Парма. Гатузо направи шоу во негов стил, а Инѕаги едвај кажа два збора.