Баерн Минхен за првпат во својата славна клупска историја не можеше да најде асален тренер, односно немало едногласни одлуки во управата за дури 9-10 одлични стратези од кои пак некои во моментов процениле дека им е подобро таму каде што се.

Црвена Ѕвезда ја одбележа 33 годишнината од европската титула на уникатен начин. Дојде на гости во Скопје и го разубави фан шопот со производи на кои стои името Дарко Панчев.

Жил Кунде се смета за еден од подобрите одбранбени фудбалери во Европа. Има 25 години игра за Барселона која за него на Севиља и плати 50 милиони евра. Кунде игра како стопер и како десен бек. И сè е добро до моментот кога ќе видите како се облекол за собирот на француската репрезентација пред Европско првенство во базата Клерфонтен.

Бразилскиот лев бек кој е еден од најтрофејните фудбалери на сите времиња и кој стана клупска легенда на Реал Мадрид, веќе неколку месеци игра за својот матичен клуб Флуминенсе. И игра добро на 37 години. Синоќа на меч од 6. коло од групна фаза во Копа Либертадорес постигнал гол во триумфот од 3-2 над перуанска Алијанса Лима.

Чикаго vs Орландо, МЛС лига и дефиниција за тоа како НЕ треба да се игра во одбрана. 7 изгубени статисти на мал простор не знаеа кај тераат.

Во 3. коло од групна фаза на Светско младинско првенство У-20, Норвешка со 12-0 го совлада Хондурас. Натпреварот се играше на денешен ден пред точно 5 години. Ерлинг Халанд тогаш имаше неполни 18 години а постигна верувале или не на тој меч дури 9 гола. Три хет-трика. После тоа за него се заинтересираа големите европски клубови.

11 гола, 12 асистенции, 13 меча за Лео Меси сезонава, кој не успеа да го извади од пораз Интер Мајами во 17. коло од МЛС лигата. Загубија 1:3 од Атланта. Издвојуваме два гола од мечот.

Бока Јуниорс го декласираше Национал Потоси од Боливија со 4:0 во Копа Судамерикана. Кавани беше еден од стрелците, ама го направи веројатно и промашувањето на кариерата, нејсвоствено за него.

Олимпијакос ја совлада Фиорентина во финалето на Лига Конференции со гол во второто судиско продолжение, на само неколку секунди пред крајот и пред пенал рулетот. Стрелец е Ајуб Ел Каби кој сезонава постигна 11 гола во Лига Конференции и стана најдобар голгетер. Во Атина вриеше.

Дваесет и шест годишниот Французин Маркус Турам, син на легендарниот бек на Парма и Јувентус Лилијан Турам, сезонава беше меѓу најзаслужните за шампионската титула на Интер и одличните настапи во Лига на шампиони. Маркус постигна 15 гола, имаше и 14 асистенции и со Лаутаро Мартинез го сочинуваа можеби најдобриот тандем во Европа.

Црвена звезда и натаму останува единствен клуб од регионов кој стигнал до драгоцениот пехар во Куп на европски шампиони (денешна Лига на шампиони). Пред точно 33 години, на стадионот „Свети Никола“ во Бари, Црвена звезда на пенали го совлада француски Олимпик Марсеј а решавачкиот гол го даде Дарко Панчев.

За успешно и тешко забележливо штелување на резултат, обично велат дека е доволно да знаат двајца дефанзивци или пак еден и плус голманот. Ама нема, ова е Балкан.

Топ тема во Саудиска Арабија се Роналдо со Ал Наср и Ал Хилал со Митровиќ и Милинковиќ. А никој не зборува за Нуредин Зекри од Ал-Охдуд кој го спаси клубот од испаѓање во последно коло. Погледнете му го спринтот. Срцка.

Аален како германски четвртолигаши освоиле државен Куп кој им носи квалификации во Купот на Германија, ама на навивачите не им чуе многу за овој успех, бидејќи се револтирани што испаднале во петта лига. На три меча по ред не навивале, а бојкотот го прекинале во финалето на кое им се појавиле со банер на кој пишува: „Ви благодариме губитници“.

Шпанска Ла Лига и официјално го избра за најубав погодок на сезоната оној на 24-годишниот десен бек на Осасуна Хесус Арезо кој на мечот против Хетафе постигна луд победнички гол за 3-2.

Со назначувањето на Енцо Мареска за нов тренер на Челси, најпознатите англиски клубови ќе имаат комплет ќелави тренери.

По две и пол години работа како тренер, легендата на Барселона која во тешки финансиски услови и донесе два трофеи на Барса и внесе млада свежа крв во тимот, суетната управа непотребно го отпушти.

На последниот меч од сезоната против Монца, Душан Влаховиќ веројатно и сам себе се изненади со мајсторијата на клупа.

Го викнале Лионел Меси да сними кратка, но се испостави незаборавна реклама за новиот филм „Бед Бојс“. Рекламата е со глумците Вил Смит и Мартин Лоренс, а Меси изговара пар зборови ама на лош англиски јазик. Меси откако дојде во Мајами минатото лето, веќе сними неколку милионски вредни реклами.

Во последното коло од Серија А Милан одигра 3-3 со Салернитана во меч кој немаше голема резултатска важност затоа што росонерите одамна го обезбедија второто место на табела зад шампионот Интер и осигураа директен пласман во Лига на шампиони. Навивачите и играчите се збогуваа со оние кои си одат од Милан меѓу кои и тренерот Стефано Пиоли.

Запознајте го крамањонецот на денот, месецот и годината кој се крие во Бразил. Не се буни за црвениот, а после ваков малоумен старт, не треба да се буни и ако го стават на ладење едно 20 меча. Kромидарник со тапија.

Некогашниот главен пит-бул на светскиот фудбал, човек што бескомпромисно влегуваше во дуел секаде и со секого и беше врвен фудбалер во Ајакс, Јувентус и Барселона, веќе подолго време се занимава со фотографија. На прашање што му е најомилено да слика вели: пејзажи и портрети.

Во последното коло од сезоната во Серија А беше драма во борбата за опстанок. Со резултатите Фрозиноне - Удинезе 0:1 и Емполи - Рома 1:1, првите две екипи се спасуваа, а Емполи испаѓаше. Но во 93 минута се случи пресврт и Емполи ја победи Рома со 2:1, а солзите и разочараноста се префрли кај тренерот на Фрозиноне Еузебио Ди Франческо кој не можеше да се помири. Убав гест на стратегот на Удинезе Фабио Канаваро и неговиот асистент Паоло кои покажаа солидарност.