Како што одминува сезоната и како се познати финалистите во еврокуповите, така во Англија се играат фамозните баражи за пласман во погорна лига. Она што синоќа се случило во Шефилд е за во фудбалски учебници.

Рома пред Мурињо во 96 години одиграла само две европски финалиња. Дојде Мурињо и тоа го оствари во само две сезони. На свој начин, со бункер, ама и тоа се брои. Погледне го колку се радуваше.

Искусниот полски репрезентативен голман беше најзаслужен што Јувентус воопшто стигна до продолженија на бучниот „Санчез Писхуан“ во Севиља. Воичех Шчесни бранеше неверојатно и му овозможи на Јувентус со голот на Душан Влаховиќ да се избори за продолженија. Но таму Севиља им ги сруши надежите за големо финале.

Нестварни сцени од полуфиналето во Конференциска лига меѓу Аз Алкмар и Вест Хем. Домашните навивачи ја срушија оградата и ги нападнаа семејствата на гостинските играчи. Ни полиција ни бутур. Самите играчи на Вест Хем тргнаа да се тепаат со хулиганите за да си ги одбранат своите семејства. Нереално.

После Интер кој направи неверојатен подвиг и од сезона за заборав се разбуди и стигна до финале на Лига на шампиони, за титула во еврокуп ќе играат уште и Рома во Лига Европа и Фиорентина во Лига Конференции.

Легендарниот фудбалер на Реал Мадрид, Хозе Марија Гутиерез попознат како Гути, како стручен коментатор редовно ги коментира фудбалските случувања во Шпанија и во Европа. Сега по дебаклот на Реал од Сити каде „граѓаните“ буквално го понижија „кралскиот“ клуб на реваншот со 4:0, Гути вели:

Претпоставките се дека е навивач на Реал, што не мора да значи и дека испил бокалче ракија. Односно две ако се суди по крајот.

Ако Винисиус Жуниор во моментов е еден од најопасните, ако не и најдобар на својата позиција како крилен напаѓач по лево, тогаш што да се каже за дефанзивецот Кајл Вокер?

Триесет и петта минута. Сити води 1-0, а Реал полека почнува да се ослободува од страшниот притисок на домашните и се обидува да развие своја игра. Тони Крос распалува една бомба од далечина и топката завршува во пречката. Да израмнеше, мечот можеби ќе тргнеше во друга насока.

Веќе подолго време Анри, Џејми Карагер, Мика Ричардс и прекрасната водителка Кејт Абдо водат емисија директно од терените каде се игра Лига на шампиони. Синоќа после спектаклот на „Етихад“ нешто дискутираат и упаѓа Патрис Евра како непоканет гостин. Поранешниот заменик капитен на најголемиот градски ривал на Сити раскажува зошто се закачнал со некој од стручниот штаб на домаќините. Инаку Евра долго време го носеше дресот на Манчестер Јунајтед а скоро кажа многу провокации на сметка на Сити па не чуди зошто му замериле.

Само во првите 15 минути од полуфиналето Сити имаше речиси 80% посед на топка и 124 комплетирани додавања наспротив 13 на Реал. Го наполнија со 4 парчиња европскиот првак, а Куртоа му спречи хет-трик на Халанд кој пропушти три 100% шанси. 7:0 ќе беше огромно понижување.

Актуелниот европски првак синоќа не знаеше кај е топката на Етихад и го одигра едно од најлошите полуфиналиња во историјата. Пазете го коментарот на Арапот кога топката во првото полувреме стигна до Едерсон.

Фудбалерите на Манчестер Сити го растурија Реал Мадрид на реваншот од полуфиналето во Лига на шампиони со 4:0 и закажаа мегдан со Интер во битка за трофејот.

Додека цел фудбалски свет синоќа го гледаше миланското дерби во ЛШ, Индонезија и Тајланд играа финале од 120 минути со 7 гола, 16 жолти и 6 црвени картони. 

Сите Вардарци во Кавадарци, гласи повикот на 11 кратниот првак на Македонија и на Комитите кои се мобилизираат за бараж битката против Скопје вредна кам бек во првата лига. Собирот на навивачите во Скопје е во недела во 12 часот, тргнувањето во 14:00, а мечот во 17:00. Вардарци спремија посебна видео мотивација.

И? Стаса ли дома Ачерби или уште е пред Џузепе Меаца?

Страшен финиш сезонава бележат фудбалерите на Интер и сосема неочекуван со оглед на тоа што до неодамна беа во ужасна резултатска криза, а клупата на Симоне Инѕаги висеше.

На три кола пред крајот на првенството во Саудиска Арабија, Ал Наср на гости со 0-2 го совладал Ал Таи и сега има три бода помалку од лидерот Ал Итихад. На стартот на вториот дел кога еден играч на гостите бил фаулиран во шеснаесетникот на домашните, судијата само одмавнал со рака но Кристијано Роналдо се затрчал кон него да бара пенал. Повикан бил ВАР после кој е досуден пенал кој Португалецот го реализирал.

Хакими играше само една сезона за Интер, ама му се падна вистинската кога го освоија Скудетото 2020/2021. Синоќа ги бодреше во живо, а се сретна со уште еден поранешен играч на Интер, Иван Перишиќ.

Интер со вкупни 3:0 го елиминираше Милан и обезбеди прво финале во ЛШ по пауза од 13 години. Големи пофалби за цврстата игра во одбрана одат на адреса кај искусниот Франческо Ачерби, кој сепак остави и лош впечаток откако камерите го уловија како намерно го гази Тонали.

Рафаел Леао и Брахим Диаз ги имаа најсериозните шанси за Милан со кои можеа целосно да ги променат настаните во големата полуфинална битка на градското дерби. Веднаш по шансата на Леао, убава прилика за гол имаше и Един Џеко. Сите овие возбудливи моменти се случија во првите 45 минути.

По пласманот во финалето од Купот на Италија, Симоне Инѕаги и Интер заверија уште една финална битка и тоа во Лигата на шампионите. На 10 јуни во Истанбул ќе играат со подобриот од дуелот меѓу Манчестер Сити и Реал Мадрид. Милан не успеа да возврати ниту со повратникот Леао.

Украинскиот фудбалер Роман Зозулја, некогашен репрезентативец на оваа земја, остро го нападна легендарниот Андриј Шевченко. Само затоа што иконата на Милан седел до неговиот пријател Новак Ѓоковиќ на мечот Интер - Милан во Лига на шампиони.

„Тоа беше најкомплицираниот натпревар во мојата кариера. За да имам поголема концентрација, последните неколку минути пред стартот ги поминав сам во соблекувална и на глас ги читав имињата и бројките на играчите. Не смеев ништо да погрешам“, се сеќава главниот судија Жил Вејсиер.