Македонскиот репрезентативец е дел од голема хуманитарната акција на Фенербахче за семејствата погодени од силниот земјотрес кој одзеде преку 12.000 животи.

Фудбалерот на Аталанта, Руслан Малиновски кој од минатиот месец игра на позајмица во Марсеј ја опали неодбранливо со лева со што го елиминираше ПСЖ во Купот. Изненадува односот на Парижаните кои на 15 секунди до крај го тупеа пред шеснаесетник.

ПСЖ се соочи со елиминација во осминафиналето од Купот на Франција откако загуби 2:1 од Марсеј. Нејмар не се менува. Лежеше на тревата на Велодром и се виткаше сè додека неговите не ја освоија топката. Потоа како ништо да не било.

Несекојдневна глетка ни доаѓа од Холандија каде на женски фудбал една фудбалерка од стручниот штаб добива тегла со кисели краставички и пие од расолот.

Во полуфиналето на Светското клупско првенство кое има голема важност за ФИФА, клубот Ал Хилал од Саудиска Арабија направи првокласно чудо откако со 3:2 го победи шампионот на Бразил, Фламенго. Сега ги чека Реал Мадрид во финале.

Тренерот на сите тренери, како го викаа со децении регионалните медиуми, Мирослав Ќиро Блажевиќ почина во Загреб на 88-годишна возраст после долго боледување. Ќиро во кариерата водеше еден куп клубови и репрезентации, а секој негов тренинг бил приказна за себе.

После долго боледување, на 88 години во Загреб починал тренерот на сите тренери, легендарниот освојувач на бронзен медал на Светско првенство 1998-ма година, Мирослав Ќиро Блажевиќ.

Само две недели откако во Серија А пукна голем скандал со финансиски малверзации во кој првообвинет е Јувентус, човекот кој има задача да ги докаже измамите на бјанконерите, на јавен настап изјавува дека ги мрази.

Манчестер Сити ќе има многу за објаснување откако Премиер лигата вчера го обвини за 100 прекршувања на финансискиот фер плеј. Под лупа се начините на кои биле наградувани играчите, како и Манчини како тренер. Пеп не е воопшто ќеифлија кога ќе добие прашање надвор од фудбалската игра.

Во 25. коло од шкотската Премиер лига, во неделата Селтик на гости со 1-4 го победи Сент Џонсон и ја задржи челната позиција на табелата со дури 9 бода пред најголемиот ривал Ренџерс. На овој меч кога домаќинот добил убава шанса од слободен удар, Грем Кари и Ками Макферсон играле лист-камен-ножички кој да шутира.

После натпреварот од 2. коло во аргентинската Примера дивизион меѓу Бока Хуниорс и Сентрал Кордоба, заменикот капитен на трофејниот клуб од Буенос Аирес, Гиљермо Матиас Фернандез дошол до трибините и му го подарил дресот на еден гледач со Даунов синдром. Младиот навивач бил пресреќен.

Како што пишува турскиот Ајанаспор, Кристијан Атсу е изваден од под рушевините од каде се слушале и гласови на многу други луѓе меѓу кои и на извесен ракометар Џемал Кутајали и Танер Савут, спортскиот директор на Хатајспор чиј член е и Ганецот Атсу.

Во разорниот земјотрес во Турција и Сирија животот го загубиле неколку илјади луѓе а повредени се илјадници. Една од првите вести кои стигнаа е дека еден фудбалер кој порано беше член на Челси, Њукасл и Порто, се наоѓа под рушевините. Синоќа се појави информација дека Кристијан Атсу, играчот на клубот Хатаиспор бил пронајден и спасен жив. Имал повреда на десната нога и отежнато дишење.

Легендарниот голман на Фенербахче и селекцијата на Турција, кој сега е тренер на Хатајспор, моли за помош и преку видео порака објаснува дека ситуацијата по земјотресот е многу лоша. Демирел се наоѓа во градот Хатај кај границата со Сирија, односно во близина на епицентарот.

Во два разорни земјотреси во реонот близу турско-сириската граница загинале повеќе од 1.700 лица, а има и илјадници повредени. Во рушевините се наоѓа и поранешен фудбалер на Челси, Порто и Њукасл, репрезентативецот на Гана Кристијан Атсу по кого уште траела потрагата.

Актуелниот шампион на Англија е во голема каша. Во игра се одземање бодови, па дури и исфрлање од Премиер лигата.

Џамал Мусиала има 19 години. Роден е на 26. февруари 2003-та година во Штутгарт.  Има и англиско потекло, едно време бил во академиите на Саутемптон и Челси. Во јули 2019-та доаѓа во Баерн Минхен кој за него плаќа 200.000 евра. Џамал Мусиала денес е прв шпиц на Баерн и на Германија, вреди 100 милиони евра и на 18 години има 19 гола на 27 натпревари сезонава во сите натпреварувања.

Во Шкотска сè е во нормална ситуација. Селтик е прв, Ренџерс втор со девет бода помалку и тие два тима стандардно се борат за титулата. Миовски растура со голови. Трет е Хартс кој викендов дома губел 0-1 од последнопласираниот Данди Јунајтед. Губеле уште од 9-та до 71-ва минута но на крај Хартс направил пресврт и победил 3-1. Последниот гол на мечот го дал Стивен Хамфрис во 90+8’ минута.

Легендарниот Јапонец Казујоши Миура е роден 1967-ма, постар е и од ПСЖ. Кариерата ја почнува во 1986-та во Сантос и заигрува во Бразил, Јапонија, Италија, Хрватска и Австралија. Знаете што ново? За 20 дена полни 56 години и уште игра фудбал. На истекот на јануарскиот преоден рок замина на позајмица во второлигашот Оливеиренсе. Чудесија од човек кој изгледа планира копачките да ги соблече на 64 и од таму директ во пензински фонд.

Не важи веќе непишаното правило кога губи Реал губи и Барселона. Мадриѓаните изгубија 1-0 од Мајорка на гости, а Барселона искористи кикс на Реал, со 3-0 ја прегази Севиља и се одлепи на +8 поени на табелата. Во еден момент од мечот на „Камп Ноу“ гостинскиот тренер Хорхе Сампаоли му дал лист со инструкции на Жоан Жордан кој цели две минути трчал со листот во рака.

Наполи со 0-3 ја растури Специја. Два гола постигна Виктор Осимен со што е убедливо прв стрелец во Серија А со 16 гола, а Наполитанците се убедливо први на табела. Интересно, на загревање пред мечот Нигериецот силно со топка погодил една девојка која стоела меѓу навивачите на домашниот тим зад голот. Тој веднаш притрчал, се качил и ѝ се извинил.

Арсенал го бележи првиот пораз во Премиер лига после оној од Манчестер Јунајтед на 4 септември. Но останува лидер на 5+ пред Сити и со меч помалку. Благодарам треба да му каже на Хари Кејн кој со погодок во 15-та минута ги реши граѓаните и испиша историја за Тотенхем.