На големиот футсал турнир Копа Америка во Парагвај, на мечот меѓу Аргентина и Бразил кој завршил 3:3, на крај имало пенал серија. Бразилскиот голман Диего Ронкаљо во еден момент одбранил страшен шут од Аргентинецот Лукас Боло ама поарно да примел гол после ова.

Јуве и Миле, тие се.

Супер спонтана и симпатична средба на Лучано Спалети и едно расположено женско друштво собрано за убав повод. „Сега ќе ме има секаде па жена ми ќе ми се налути“, се пошегува стратегот на Наполи. „Ти да не си спритзизерот“, му вели една од насмеаните девојки. 

Најдобриот играч на светот во моментов според многу параметри, на прес-конференција после уште ден триумф над ЛА Лејкерс и вкупна победа од 4-0, беше расположен за муабет со новинарите.

Македонскиот репрезентативец го спаси од пораз Ал Фејха во првата лига на Саудиска Арабија, две кола после оној еврогол од 40 метри.

Додека Сергеј Самсоненко беше таму, сè беше идеално. Кога Русинот си замина, сè се распадна. Клубот на крај го помагаа Комити, нешто побогати симпатизери на клубот, но и поранешни асови. 12 месеци им должеа плата. Како и да е, успеаа. Вардар е симбол на Македонија и македонскиот фудбал. И жив е.

За легендарниот напаѓач на Ливерпул и Барселона, не се ништо 36-те години. Во 2023-та веќе има 14 гола на сите натпреварувања од кои неколку му се евроголови. Со Гремио славеше 3:1 против Интернасионал. Погледнете на каков начин го отвори резултатот по само 7 минути игра.

Лидс Јунајтед проба со пар тренерски смени да ја размрда екипата и во финишот од сезоната да избегне испаѓање во втора лига, но веројатно тоа сценарио не им бега. Во неделата изгубија 3-1 на гости кај Вест Хем а на мечот имаше смешна сцена кога гостинскиот тренер Сем Алардајс нашол банкнота од 5 фунти па на комичен начин му ја нудеше на четвртиот судија.

На својот стадион „Етихад“ во неделата Манчестер Сити со прилично комбиниран состав го совлада Челси со 1-0 и после мечот ја прослави деветтата шампионската титула во својата клупска историја.

Расистички навреди, провокации, тегнење, удирање, црвен картон, ВАР и на крај победа на Валенсија над Реал. Во главна улога Винисиус кој го изеде најдебелиот крај.

Силен 36 часовен дожд го погоди северниот италијански регион Емилиа Ромања. Ситуацијата била драматична. Има 14-15 жртви и 36.000 жители со уништени домови. Помош на луѓето со оштетени куќи им дал и цел фудбалски тим на Чезена.

Гачевски, Серафимов, Вецески, Глишиќ, Мишковски, Николовски, Јусуфи, Десниќ, Јаневски, Размоски, Цветаноски, Јовчев, Величковиќ - Радуловиќ, Дошев, Велковски, Цветков, Митев, Жоглев, Мицевски, Стојилевски, Папули, цел стручен штаб предводен од Бобан Грнчаров, спортскиот директор Александар Бајевски и се разбира Комити. Тоа е екипата.

Тоа што од непознати и апсурдни причини ги ставија да играат во Кавадарци, не ги спречи славјето да го продолжат во центарот на Скопје. По големата поддршка на самиот бараж меч против Скопје за влез во Прва лига, Вардарци имаа пречек на плоштад. И тоа шампионски, со отворен автобус поминаа низ триумфална. Заслужено со оглед на сите срања низ кои поминаа.

После долг и макотрпен пат, фудбалскиот клуб Вардар, носен на раце од своите Комити, успеа во намерата да се врати онаму каде што му е место: во првата македонска фудбалска лига. Црвено-црните имаа голема поддршка во текот на овие две години во втора лига, а кулминацијата блесна во бараж мечот за пласман во прва лига. Во Кавадарци против ФК Скопје: победа од 3:0.

Фудбалерите и стручниот штаб на Вардар се спортски херои на годината. Се фатија за ѓаволски тешка работа која ја вршеа 15 месеци без пари и со дрска и јуначка упорност поминаа низ сите тешки препреки за да и покажат на Македонија дека на бастионот не му е местото во втора лига.

Битка меѓу две скопски екипи од ваква важност да се игра во Кавадарци е апсурд по сите параметри. И коментаторите констатираа дека инфраструктурните капацитети на стадионот не задоволуваат за еден ваков натпревар. Причината е едноставна, знамето смета, не може да се гледа убаво на тв. Кај оди ултраси и камери на иста трибина?

Нецели 4 минути им беа потребни на фудбалерите на Вардар да го отворат резултатот на бараж пресметката против Скопје вредна промоција во прволигашкото друштво. Стрелец Дарко Размоски. Комити се во делириум.

Откако Арсенал неочекувано загуби кај Нотингем Форест со 1:0, фудбалерите и стручниот штаб на Манчестер Сити во својата база го следеле мечот на тв, па по последниата судиска свирка, се израдувале на веќе и математички обезбедената титула. Денес играат со Челси од 17:00 и денес ќе биде централната прослава со навивачите.

Со елиминацијата од Севиља во полуфинале, Јувентус остана без голема можност да го разбие проклетството во европските финалиња кое им трае веќе 24 години. Последниот трофеј во Лига Европа им е во 93-та, а во Лига на шампиони 96-та. На меѓународна сцена последен пат се радувале во Интертото Купот 1999. Во ЛШ имаат серија од 5 загубени финалиња 1997, 1998, 2003, 2015, 2017.

27 февруари 2005, 42 годишниот Жозе го освојува првиот трофеј со Челси, кој му го донесе Кежман со гол во 112 минута во финалето од Лига Купот против Ливерпул. Уште на старт го избегнува наметнатиот медиумски притисок од островот, со мангупска изјава во негов стил и топката ја префрла кај стариот волк кој е 22 години постар од него. 2023-та: 26 трофеи од кои 5/5 европски и обезбедено шесто финале.

Дваесет и пет годишниот англиски центарфор Тејми Абрахам ја има таканаречената спортска среќа, каде и да игра, да освојува трофеи. А не важи за светска класа шпиц, но веќе освои Лига на шампиони и Лига Конференции, сега го чека финале на Лига Европа.

Два дена откако малку спласнаа емоциите од врвниот фудбал на Манчестер Сити во средата вечер, клубот на Твитер објави видео со кое ја истакнува импресивната дефанзивна игра на Кајл Вокер против опасниот Жуниор. Човекот кој до пред некое време не беше стартер кај Пеп, се покажа како еден од најдобрите во двобојот со Реал.