Европската фудбалска јавност одново му оддава признание на големиот Роналдо. Португалецот синоќа на Исланд во квалификациите доби признание од Гинисовата книга за рекорди како прв играч во историјата со 200 настапи за својата земја а воедно е и најдобар стрелец на сите времиња во репрезентативен фудбал.

Фудбалската репрезентација на Португалија победи на Исланд со гол постигнат во 89’ минута. Стрелец рекордерот Кристијано Роналдо кој влезе во Гинисовата книга на рекорди.

Фудбалерот Жан-Филип Гбамин има 27 години и е репрезентативец на Брег на Слонова коска. Под договор е со премиерлигашот Евертон кој минатата сезона го позајми во турски Трабзонспор.

Поранешната македонска фудбалска репрезентавика и капитен на Македонија, Афродита Салихи, и самата редовен гостин во коментарите на нашата рубрика, синоќа објави нешто за дебаклот на македонските фудбалери во Англија.

Триесет и две годишниот шпански малку познат центарфор, Хоселу пред неколку дена од Еспањол дојде во големиот Реал Мадрид. Животен трансфер за кој сонуваат милиони фудбалери. Хоселу таму ќе му се придружи на капитенот на Реал Дани Карвахал со кого се инаку баџанаци.

Во април годинава управата на шпанскиот шампион Барселона склучила договор за реконструкција на легендарниот стадион „Камп Ноу“ чие реновирање и обнова ќе чинат 1,45 милијарди евра а ќе го покријат неколку страни потписнички.

Турција е на добар пат да обезбеди пласман на Европско првенство. Синоќа Турците со 2-0 го совладаа Велс кој од 42’ минута играше со играч помалку по црвениот картон на Џо Морел. Вториот гол со кој беше потврден триумфот на Турција го постигна Арда Ѓулер, 18-годишниот чудесен фудбалер кој во моментов е најбаран играч на светот.

Шпанската фудбалска репрезентација се врати на голема врата. После цели 11 години освоија шампионски пехар, овојпат во Лига Нации каде во полуфинале прво беа подобри од Италија а после во финале од Хрватска. На свечениот дочек дома, во салата Визник каде играат кошаркарите на Реал Мадрид поединци го исвиркувале младиот 18-годишен Гави, лидер на селекцијата и нов лидер на Барселона.

Вечер за заборав на најкултниот англиски стадион. Англија, во најсилен можен состав, до врв ја наполни мрежата на македонската репрезентација која го доживеа најтешкиот пораз во својата историја.

Тој 16-ти октомври 2002-ра година долго ќе се памети. Македонија одигра 2-2 во Саутемптон против силната Англија а резултатот го отвори Артим Шаќири со чудесен гол од корнер. Тој меч беше јубилеен 75-ти за Симан кој претрпе огромни критики од англиската јавност и тогаш му заврши репрезентативната кариера.

Македонската фудбалска репрезентација вечерва го продолжува патот во квалификациите за Евро2024. По воведните победа и пораз, сега во трето коло играме против страшната Англија на гости, на легендарниот „Олд Трафорд“ каде веќе еднаш храбро одигравме 0:0.

Во финалето на Лига Нации Шпанија и Хрватска играа 120 минути фудбал без голови. Шпанците имаа повеќе шанси, делумно поголем посед на топка, а Хрватите не ја искористија својата препознатливост во продолженијата.

Големото дерби Спортинг Лисабон - Бенфика во кој било спорт е многу посетено. Трибините се полни и на футсал каде играат разни мајстори. Еден од таквите е Зики Те кој има 21 година и е роден во Гвинеа Бисао, а се прослави со чудесија од гол.

На 17-ти јуни се одигра уште една вечер од третото квалификациско коло за Европско првенство. Португалија ја совлада Босна и Херцеговина со 3-0, а тој меч го одбележи и еден натрапник од трибините.

Македонската фудбалска репрезентација вечерва на „Тодор Проески“ арената во Скопје ги одигра најдоброто и најлошото полувреме во последните неколку месеци. Од транс, прекрасни напади и еуфорични 2:0 против далеку поскапата селекција до пораз на крајот.

Македонската фудбалска репрезентација игра како во транс против Украина во вториот меч од квалификациите за Евро2024. Енис Барди од пенал го отвори резултатот во 31' минута, а Елиф Елмас само осум минути подоцна направи мајсторија која долго ќе се врти.

Ни пријателски меч меѓу Аргентина и Австралија игран во Кина, не помина без натрапник на терен кој влетал да го гушне и да се слика со својот миленик. Царот се смеел кога го ваделе од терен.

Надлежната судијка од Шевченкивскиот окружен суд, Лавова Билинска донела пресуда за 60-дневен притвор без право на кауција за претседателот на Украинскиот фудбалски сојуз (УАФ) Андреј Павелко. Тој е обвинет за финансиски малверзации и проневера на средства за изградба на фабрика за производство на вештачка трева за фудбалски игралишта. Со него е осуден и генералниот секретар на УАФ, Јуриј Записоцки. Вечерва Украина во Скопје игра меч од квалификациите за Европско првенство 2024.

Македонската фудбалска репрезентација вечерва од 20:45 во Скопје го игра вториот натпревар од квалификациите за Евро 2024. Ривал е Украина. Нашата репрезентација во прво коло забележа победа против Малта 3:1 а Украинците загубија 2:-0 на гости кај Англија.

Во натпревар од полуфиналето на Лига Нации за КОНКАКАФ федерцијата, САД со 3-0 го совлада Мексико во Лас Вегас во натпревар кој изобилувал со прекини и нереди.

Кога човек ги гледа Златан Ибрахимовиќ и Марко Арнаутовиќ прво помислува дека се од иста мајка. Толку слична градба имаат и толку идентично се однесуваат на терен и надвор од него, што личи како да се браќа. И двајцата се деца на луѓе кои од Балканот тргнале во потрага по подобар живот, и двајцата направија врвни кариери.

Со оглед на одличните резултати на српските клубови во еврокуповите, оваа лига стекна право да има два претставници во Лига на шампиони. Еден директно во групна фаза, а друг од квалификации.

Најдобриот египетски фудбалер во историјата, од својата татковина каде играл за клубовите Итихад Басјун, Отмасон Танта и Ал Мокавлун, дојде во Европа каде направи дар-мар во дресовите на Базел, Челси, Фиорентина, Рома и најмногу во Ливерпул. Денес полни 31 година па во таа чест на едно место се собрани неговите најубави евроголови.

Пред големото полуфинале во Лига Нации меѓу Холандија и Хрватска во Ротердам, Ивана Кнол, најпознатата хрватска навивачка која секаде ја следи својата фудбалска репрезентација била по улиците на овој град. Таму ѝ приоѓале навивачи да се фотографираат. „Во еден момент ми пријдоа двајца пијани навивачи кои сакаа да се сликаме. Не успеавме од четири пати и им реков дека веќе не можам после што едниот почна да прави нереди“.