Ако Барса тогаш беше страв и трепет на клупски план, во репрезентативна конкуренција топката не можеше да им се земе на Шпанците, кои на терен делуваа моќно и убедливо со препознатливата пас игра со куси додавања. На 29 јуни 2008-ма во Виена, на финалето против Германија, почна походот кон трите последователни трофеи: ЕП 2008, СП 2010, ЕП 2012. Мечот го реши Фернандо Торес.

Славниот италијански стратег го водеше Реал две сезони во две различни декади, 1996/1997 и 2006/2007. И во двата наврати ја освои Ла Лига. Но не му било лесно да го склопи коцките со толку различни карактери.

Анри, Ширер, Бергкамп, Нистелрој, Овен, Гигс, Пирес. Арсенал шампион, во топ 4 Ливерпул, Манчестер Јунајтед и Њукасл. Куп УЕФА за Лидс и Челси. Сити го нема во прва лига. Погледнете го ова друштво, како и неизвесноста за тронот во нивните индивидуални битки. Некои ликови едноставно остануваат култни.

Некаде во Јужна Америка...

Во Италија имаше фудбалски собир на ветерани пред полни трибини, а најголемите аплаузи ги собра едно многу добро познато дуо од Рома. 46 годишниот Тоти уште дели топки со очи, а на една од нив чилеанецот Пизаро си поигра со голманот и направи шоу за публиката.

Неколку кратки, ама точни поенти на легендарниот газда на Милан во врска со тоа кој на каде движи во фудбалот. Налетот на Арапите кој не застанува, го гаѓа во целост.

Романија и Грузија се домаќини на ЕП за играчи до 21 година. Грузијците во групата А се изборија за четвртфинале заедно со Португалија и со 1:1 ја исфрлија од игра Холандија. Зурико Давиташвили потсетува на еден добро познат негов сонародник од Наполи.

26 јуни, 1998-ма, Мундијал во Франција. Легендарниот Виери добива фанстастична топка од Канаваро и дава гол против Норвешка. Селекторот Цезаре Прандели се радува, а Бобо наеднаш седнува со скрстени нозе во друштво на Алекс. 100 пати го прашувале во интервјуа за необичниот начин на прослава, а тој им одговорил вака:

Кога имаш еден Хари Мегваер во тим тоа е разбирливо (веројатно). Ама цврстата одбрана тука ја красат тројца дефанзивци плус голманот. Неприкосновена снаодливост покажаа.

Пишал дека играат Мајами и Филаделфија и дека на видеото се деби головите на Меси, а ставил снимка од Барса во гостински дресови. Со оглед на бојата која е иста со дресовите на Мајами, веројатно има Американци кои се излажале, како оној јадниот што патувал 2.000 км за да го гледа во живо. Има 5 милиони прегледи за само две недели.

Едниот е Дејан Кулушевски од Тотенхем, другиот Јасин Ајари од Брајтон. Друштвото го собрал Кулушевски кој има потекло од Охрид и кој нашиот бисер за одмор го одбра и летото откако направи трансфер во Јувентус. Од материјалот на Инстрагам може да се забележи дека имале шарена програма како скара, посета на црква, уживање со глисер на езеро, бањање...

Еден ден после прошталниот меч за Макси Родригез, се случи уште еден голем аргентински спектакл, овој пат за легендарниот Рикелме. Дуваше свеќи заедно со Меси, бидејќи и двајцата се родени на 24 јуни.

Розарио викендов беше домаќин на проштален натпревар во чест на легендарниот Макси Родригез на кој му дојде јака банда предводена од Меси и Батистута. Ако треба да му го ископаме највпечатливиот гол од кариерата, одиме на Мундијалот во Германија 2006 на мечот Аргентина - Мексико. Да, прејако го изведе ова.

Салата 25 мај во Радовиш беше домаќин на традиционален турнир во мал фудбал по повод празникот Курбан Бајрам. Ама годинава нешто слабо ја истерале традицијата. Колегите од Спорт1 објавија видео на кое не се знае кој јаде, кој плаќа.

Кога можеби некој ќе помисли дека се повлекува или оди да нанижи уште некој милион некаде надвор од рамките на Европа, ете ти вест која демонстрира лојалност, припадност и чувство за исправен потег.

Иако се поминати неколку дена од евроквалификациите, не смееме да не се навратиме и да не му отстапиме простор на едно вакво чудесно ремек дело на Грузиецот кој блесна во Наполи. Магијава се случува против Кипар, љубителите на видео играта ФИФА ја викаат „Drag-Back“, а првиот коментар на Твитер гласи вака: 10 пати го гледав клипов, убеден сум дека има магнет.

Камерите на мечот Филаделфија Унион - Интер Мајами го фатија најјакиот кадар на трибините кој ќе беше штета да остане незабележан. Фан на Меси патувал 1.200 милји или скоро 2.000 км за да го гледа во живо својот идол, ама очигледно момчево не користи интернет. Промоцијата на Аргентинецот е најавена за 16 јули, а дебито за 21-ви. Лео е на одмор младичу.

Едниот како голман на Интер имаше долга сезона сè до 10 јуни кога учествуваше во финалето од ЛШ, а другиот со Елмас ја славеше титулата во Серија А. И двајцата Камерунци на свој начин се релаксираат за време на одморот.

Голем спектакл падна на прошталниот натпревар на Макси Рогригез на кој Меси постигна хет-трик, а во филм влезе и судијата. Контра фати да влече царот, ама го кутнаа на земја, па извади жолт картон за Банега, ама преку Макси одеше санкцијата. Циркузи.

42 годишниот Макси Родригез одигра проштален натпревар кој мина спектакуларно во клупската средина каде ја почна и ја заврши кариерата. Ѕвезда на вечерта беше Лео Меси.

Горан Пандев не се повлекува од својата академија, туку напротив осумчлениот борд на директори во Њујорк одлучил токму тој да биде претседател. Најавува многу новитети меѓу кои тренери од Италија, како и фокус на работа со младите.

21 годишниот Кристјан Аслани од Интер го има голот на колото во јунските квалификации за ЕП 2024. Втората позиција е за неговиот врсник од Арсенал, Бакајо Сака кој го торпедираше Столе Димитриевски.

По непријателското збогување со фудбалската федерација, некогашниот селектор Ангеловски решил по правен пат да ја побара премијата која му следуваше за историскиот пласман на Евро 2020.

На стадионот „Хозе Алваладе“ во Лисабон, на пријателски меч африканската селекција му одржа час по фудбал на силниот Бразил за кој играа речиси сите првотимци освен Нејмар. Тука беа Ришарлисон, Винисиус, Пакета, Гимараеш, Маркињос, Милитао, Едерсон. Сенегал славеше 2-3 со два гола на Мане од кои едниот беше прав еврогол.